2009-06-05 AppleDaily
| ||||||
| 香港上市公司嘅小股東真係越嚟越識得維護本身權益，除咗投票反對作價唔合理嘅私有化建議，仲會做足功課，喺每年一次嘅股東大會上，向管理層提出質詢，港鐵（066）小股東就係一個好例子。 港 鐵過去幾年喺九龍灣展貿舉行股東會，今年74歲嘅陳婆婆每年都出席，替所有長者追問有關長者乘車優惠事宜（優惠到8月底完，港鐵話會考慮延長）。佢噚日仲 鬼咁心水清，發現政府兩位局長董事──財經事務及庫務局局長陳家強同運輸及房屋局局長鄭汝樺都冇到，陳婆婆好嬲咁話：「點解一年一次都唔嚟開會？」 不時請槍開會 陳 婆婆翻閱港鐵年報，發現港鐵舊年召開9次董事局會議，陳家強出席8次，但有兩次請槍，由替代董事出席；鄭汝樺雖然開齊會，但當中有4次由替代董事出席。陳 婆婆即時向主席錢果豐大興問罪之師，質疑兩位局長董事係咪「唔重視呢份工」？錢主席硬住頭皮幫局長講好話，話佢哋公務繁忙，而上市公司有機制容許董事派代 表出席會議，而且行之有效，每位董事都相當盡責咁話！陳婆婆咁留意兩位局長董事，係咪準備好問題向佢哋查詢，兩人no show自然令佢非常失望。李華華[email protected] | ||||||