又到年尾，好多打工仔女都要忙著去appraisal，唔係幫人做就係幫自己做，要達到有效公司考核人員的目的，又或者要令到自己在上司的心目中留下良好印象，多少都要一些溝通技巧。
無論係大企業，還是只有數十人的中小企，甚至一條數個人的team，要令到每一個人的表現都得到合理的評核，可能的情況下檢討得失，於來年把事情做得更好，就係做appraisal的終極目標，至於會唔會有人因此升職加薪還是燉冬菇，就要睇各位的修為同表現了！
明白「點解要咁做？」下一步就係點做好，黎緊我會分數篇去講appraisal有關的技巧，今篇先講Do’s and Don’ts，即是要點做，同避免做的事情。
1. 無論平日和上司的關係如何，在appraisal的時候都應該保持平靜友好的氣氛，一些人本著告御狀或盡訴心中心的做法，甚至想乘機向老細落其他人藥，睇怕都係不必了。相反，如果平日已經好friend，在appraisal 時反而應該收起過份輕鬆的心情，以一個較認真的態度去處理。
2. 表達的內容要客觀，最好有事實甚至數據支持，以免說服力不足。即使某一些non sales 的functional business unit 如物流部門，也同樣會有相關數據，如出貨的準時率，出貨量／工作人員數目等。
3. 要講事實，而不是觀點，或者個人的感覺。一個有趣的例子是：有上司問下屬點解經常遲到，如果答因為做野辛苦或者成日要OT，就難免淪為意識流小說了！
4. 要貼題，不要失去焦點，即係所謂out of scope。Appraisal係用來量度業績，見成效 (output)，而唔不單純粹講付出幾多 (input)。比如做營業的，跑到幾多數，總係好過見過幾次客、打過幾次電或send過幾多email為合理。
5. 站在參與者立場，做appraisal的終極之道，其實只是兩個字：engagement 和 prospect。公司要員工忠心，就要有前景予以交換，如果只係一味做做做，而員工不知道怎樣才能升職加人工，長遠黎講好的員工就會離去，剩下一班庸兵廢將，對公司又是否有益呢？
下兩篇就分別從管理層和員工的角度去看appraisal。