中環在線：顧明均自認冇膽以下犯上 李華華
|
|
嚟 一招自願清盤以達到私有化效果嘅南太電子（2633），嘅非執行主席顧明均，噚日馬不停蹄同傳媒解畫。佢話今次使出「自殺奇招」，絕對唔係想攞呢件事做籌 碼，想同監管當局討價還價。佢仲自爆o依家經已「冇膽」做呢啲以下犯上嘅嘢喎。點解？佢講笑咁話，因為自己2月時已經割咗個膽。顧主席話，人類社會之所以 不停進步，就係有一啲人不停挑戰傳統，世界先至會向前走。佢舉例話，好似喺民智未開嘅時候，如果有人話地球喺圓嘅，一定會俾人話妖言惑眾。佢冇話自己係挑 戰傳統嘅先鋒，只係再三強調，今次係為股東爭取權益啫。雖然佢話「冇膽」同監管當局揮過，不過佢都留番一手，話如果發現有較溫和嘅解決方案，公司都唔排除 會採用。唔知監管當局點回應呢？
|
| |
Next Page