ZKIZ Archives


父母反對滙源和番中環在線:朱新禮「換個男朋友」 李華華


2009-04-16  AppleDaily





 

滙源果汁(1886)同可口可樂嘅「世紀婚事」,臨門一腳雖然「撻Q」,但作為滙源「生父」嘅集團主席朱新禮,噚日喺香港開記招時話,嫁唔出大不了咪獨身囉,唔覺得可惜喎。佢仲話,況且o依家有好多人追緊滙源,佢完全唔急,成個吊起嚟賣嘅樣出晒嚟。

多人追唔憂嫁

朱 總係首次就出售滙源不獲商務部批准一事公開「表明心迹」,佢話收購好似男女朋友想結婚,最後點都要過父母一關;若果父母因為擔心而反對,個女仔只有3個選 擇:「叫個男朋友乖啲、換個男朋友,或者獨身。」朱總仲話,唔覺得今次滙源嫁唔出同保護主義有關,雖然最終大家唔可以喺埋一齊,但佢同管理層都覺得,被可 口可樂睇中好光榮,今次出售無論批唔批都好高興,事實上,決定出售滙源後,佢對公司都冇放軟手腳。

失百億禮金贏名氣

大嗱嗱成 百億銀禮金「見財化水」,有冇感到可惜呢?佢話當知道出售失敗後並無太多感受,反而因為收購,佢老人家嘅知名度衝出中國,裙下之臣有增無減,話唔定可以 「失之東隅,收之桑榆」o忝!不過,佢唔肯講追求者仲有冇洋人囉。對於佢嘅金句「企業要當仔咁養,但要當豬咁賣」,佢話o依家呢個諗法都冇變過。華華都幾 認同,但若果句金句前後倒轉,即係「企業要當豬咁養,並要當仔咁賣」,咁回報會唔會仲豐厚啲呢?李華華LiWaWa@AppleDaily.com



父母 反對 源和 和番 中環 在線 朱新 新禮 換個 男朋友 華華
PermaLink: https://articles.zkiz.com/?id=7359

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019