中環在線：龍永圖唔寫blog怕惹火 李華華
|
|
|
潮 流興寫blog，人人都可以喺網上自由發表言論，淨係內地已經有3000萬人有寫blog嘅習慣。不過博鰲亞洲論壇秘書長龍永圖聖誕時接受新浪CEO兼總 裁曹國偉訪問時，話自己唔夠膽開番嗰blog嚟寫，皆因講嘢比較率直，驚寫完嘅文章放上網會引起好多爭論，所以就打消咗開blog嘅諗法。龍永圖又話，後 生嗰陣都算係一個文學青年，好鍾意寫文章，嗰時又想有個平台表現吓自己，所以就不停喺全國各地四處投稿，但係次次都無功而回，仲收到一大堆退稿信，見到都 頭痛咁話。
所以佢話好羨慕o依家啲後生仔，有咩想講、想寫，就即刻喺電腦度打，打完唔使一分鐘就可以放上blog，簡直係一個表達自己心聲、抒發感情嘅好 地方。計華華話，龍永圖又使咩顧慮咁多，用個筆名「圖圖」開番個blog暢所欲言，咪冇後顧之憂囉！
|
Next Page