中環在線：中原CEO暗示裁員未完 李華華
|
|
經 濟環境惡化，物業代理感受最深，因為減薪、裁員同埋收縮分行呢啲動作，佢哋已經做齊，但遲啲會點呢？中原地產噚日開記招講09年樓市展望，講起人手問題， 中原港澳行政總裁黃偉雄就帶記者遊花園，話雖然經濟環境不斷變化，但估計經濟數據最差、樓市最動盪嘅時刻已經過去，公司明年會維持現有嘅規模、人數同分行 數目作平穩發展。
咁係咪唔會減行裁人呢？又唔係噃！佢話樓市當旺嘅時候，同一個屋苑會有多間代理舖，到市靜時，間舖嘅租約期滿就應該關門，因為舖租係成本 控制中最重要嘅一環。佢又暗示話人手變化好視乎成交宗數。中原喺記招上估計明年樓價仲要跌多一兩成至有支持，預期買賣宗數會跌一成二，得番10萬宗。咁即 係點？前線代理自己慢慢參詳吓嘞。
|
| |
Next Page