ZKIZ Archives


投資香港股市,外國股市,地產,樓市之(壹貳參)發達三大要素之:買甚麼?(第一零八回) 阿牛

http://hk.myblog.yahoo.com/yomagyomag/article?mid=1951

投資港股:中信泰富(三)

 

最近,中國銀監會建議商業銀行進行房價下跌60%的重度壓力測試,業界叫晒救命。其實跌六成就真喺好尷尬,應該都冇乜金融機構可以企得住;咁耐以來阿牛見過兩次真實的60%測試,一次由董建華個X人,幫我地香港人做『人體測試』,攪到日日有人燒炭,幾年間死千幾人,數以萬人家破人亡,有人肚餓到偷麵包,搶飯盒。

第二次就喺2008年10月,中信泰富炒燶澳幣。當時熊市剛過,中信泰富成間公司先淨番唔夠三百億,跟住話因為買澳元  Accumulator 蝕左一百五十億;單嘢出街,第二日中信泰富跌55%,剩番$6.5。尷尬嘅喺之前不久,公司先公報左話一切正常,跟住蝕咁多錢。更尷尬啲喺,揸旗嘅『疑似』喺榮家小姐榮明方,於是大家憎人富貴厭人貧,想人地再尷尬啲。

              

但喺:

 

不可不知中信泰富在澳洲有鐵礦,當時正在開發而未投產之際,需要用唔少澳元;買定啲澳元,lock死個價,方便控制成本喺好合理嘅,而且當時澳元一升再升,榮小姐看漲喺好合理嘅,而買 Accumulator 亦喺正常手段。簡單嚟講,等如lock死個兌換價同數量,再慢慢供款而已;點知個澳元會急跌喎!

側聞榮小姐做大生意好有膽色,私下更喜歡『跑夜馬』;唔喺我地啲小男人星期三去快活谷嗰隻,喺騎住隻馬,夜晚通山跑喎;兄弟,你有冇咁膽色呀?阿牛就冇喇。

好喇:

戲肉就喺,北京中信母公司兩星期內已經落實俾一百一十五億備用信貸香港中信泰富。一場風波,迅速落幕。証監側側膊唔多覺,中信泰富繼續做指數成份股。

買中信泰富,好過你攞住張報紙,左度右度啲壞鬼鱔稿,搵啲所謂實力股。

有乜嘢勁得過蝕得起吖,中信先喺 power 嘛!

                    

                        * * * * * * * * * * * * * * * * * * *

阿牛又想起啲肥皂劇:

老豆:咁夜呀,仔。

阿仔:嗯……

 

老豆:咪行住……食左飯未?

阿仔:嗯……

老豆:呢輪你好忙咩,成日唔見人。

阿仔:嗯……

 

老豆:叫廚房開飯你食左先喇……我晏晝入左錢落你戶口填晒條數喇……你下次小心啲呀。

阿仔:嗯……

 

老豆:你阿媽話成個禮拜冇見過你,呢兩日又話唔舒服,你食完飯上去同阿媽請安喇……我乜都冇同你老母講過。

去喇。


PermaLink: https://articles.zkiz.com/?id=17609

投資香港股市,外國股市,地產,樓市之(壹參參)發達三大要素之:買甚麼?(第一一八回) 阿牛

http://hk.myblog.yahoo.com/yomagyomag/article?mid=2077

 

投資樓市:唔賣地,可以點?

如果政府明白阿牛尋日嗰個論點,就知道齋賣地喺唔掂嘅。等如你成家都肚餓,你去攞晒啲珍藏鮑魚,花膠俾老婆,又話啲靚嘢點計點計,扣番幾多家用,咁冇用㗎喎,你喺度做緊乜嘢呀?

要有用就要老婆盡快煮啲嘢俾大家食。鮑乜嘢魚啫!

問題就在於『盡快』兩個字。

要發展商盡快,就要學祖國;俾個限期佢起屋,如果過左期起唔到,就當屯積土地,輕則罰錢,重則收番塊地。

一招攪掂。

政府一賣左塊地,就應該立刻公報,呢塊地兩年後有幾多千個單位供應。最好連土 地可建多少單位都粗略固定,而且起好仲要攞晒出嚟賣,唔准留貨尾,唔准擠牙膏;例如平均八百呎一個單位,除到條數,假設塊地可以起千五個單位,賣地時附帶 條件,就喺規定佢起夠千五個。如果發展商鍾意起大單位,咪由得佢起囉,咁佢咪起番啲四百呎嘅細單位,戥勻條數,總之起好就要啱數。

發展商如果唔肯投地,咁仲好,等個樓市知道唔喺咁向好,自然就會冷卻少少;如此類推。

今時今日,死喇,賣左地,人地 hold 住等下一朝再高啲樓價先推出,咪又喺遠水不能救近火。

日本學者大前研一話,香港人個大問題,喺『原全冇遠見,淨喺睇到前面三呎,再遠啲嘅嘢,完全唔睇,完全唔諗。』。

靚地就買少見少,我睇你將來點。

阿牛都冇嘢好再講囉,所以今日篇Blog到此為止

明日篇Blog好長,敬請收看。

謝謝。

下面隻蟹喺留番明日用嘅。

        


PermaLink: https://articles.zkiz.com/?id=17780

股災風雲:第八回

1 : GS(14)@2016-03-17 14:51:21

第八回

5月9日。在新界西北郊區,一個偏遠海邊的碼頭。兩個人。一個站着,一個坐在輪椅之上。站着的男子,帶着一個金屬製的面罩,在面罩的後面,是一片燒焦了的皮膚。這個男子的名字,叫做撒旦。坐在輪椅的女子,是白蘭。撒旦對於白蘭近期的行動,好像不太滿意。「最近你用撒旦會的資金,不斷買入大量恒指期貨。到底在搞甚麽鬼?」白蘭反駁說:「我用資金炒賣期指,都是希望賺更多的錢。在過去的幾個月,我炒期指賺了四十多億,你應該感到滿意吧!」撒旦轉用較嚴厲的語氣︰「但你越做越大,最近還要和元軍對賭,肯定會贏的嗎?」白蘭反駁︰「將來的事,我不知道;但在這數個月的戰績,相信你可以看見,我有這方面的能力。」「對於一個股票指數的預測,你可以掌握多少?它包含了萬千的變數,包括經濟環境、資金流向、企業盈利、貨幣政策、國際政府角力等等,可以影響股指的因素,根本是數之不盡,你如何作出判斷?市場上有數以百萬計的參與者,你可以全部了解嗎?」撒旦連珠爆發了一連串的問題。「我有這方面的直覺,有預測未來大市走勢的能力;最近我在期指賺到的幾十億元,不就是最好的證明嗎?」白蘭開始變得激動起來。撒旦︰「靠直覺?你近期在期指賺到錢,只代表你的運氣好,不等於靠技術贏錢。對於恒生指數的公司,你認識多少?你有看過這些公司?了解它們的營業情況嗎?」白蘭繼續反駁︰「我靠甚麽作出投資判斷,這是我自己的事!最重要是我可以替撒旦會贏錢,不就已經足夠了嗎?」「白蘭,你變了。」撒旦皺起眉頭︰「你再不是以前那個冷靜思考,擁有極高投資心理質數的白蘭。」白蘭聽到撒旦的批評,感到憤憤不平。但其實她心知肚明,撒旦說的話,是對的。自從元軍離開之後,白蘭整個人的性格都變了,沒有了冷靜,沒有深謀遠慮,只剩下怨恨。「在開始的時候,你只是炒賣數千張期指,金額不算太高,我還可以讓你自把自為;但你越做越大,還要跟元軍簽下大額對賭合約,我就不可以不管。」撒旦發出強硬的命令︰「我現在命令你,不要再跟元軍對賭。」白蘭努力地把情緒壓了下去,用僵硬的聲音回應︰「要減低期指炒賣金額,我可以;要取消外面的倉位,我也可以;但要取消與元軍的對賭合約,就絕對不可以。」撒旦︰「元軍也是撒旦會的人。你們兩個雙鬥,何必呢?」白蘭大吼︰「我曾經發過毒誓,在我這一生之中,定要跟他誓不兩立,不是他死,就是我亡!現在上天給我這個機會,可以與他決一死戰,我怎可以取消合約!」撒旦聽了白蘭的話,頓時變得怒不可遏︰「你的理智跑到哪裏?你的思想跑到哪裏?拿撒旦會的幾十億元去決一死戰?在拍劇集嗎?我再說一次︰馬上取消跟元軍的合約!!」「對不起……我是不會取消合約!如果你不同意,我就用自己的錢,繼續與元軍對賭!」白蘭說得咬牙切齒,情緒有點激動。撒旦閉了眼睛幾秒,再睜開眼,用淡淡的語氣說︰「如果你要堅持,就不可再繼續為撒旦會工作!!撒旦會以後全部行動,以及旗下的所有資產,從這一秒鐘開始,立刻離開你的管轄範圍。」「撒旦,多謝你過去對我的信任,特別是協助我替白素素報仇,我是非常感恩。但我與元軍之戰,根本是上天注定,不可能避免的;就算要離開撒旦會,甚至死無葬身之地,我也要拼死一博。」白蘭雙眼通紅,說得激動。「決戰重要,還是賺錢重要?」「決戰!」「看來你已經無藥可救!我無論怎樣說,你都應該聽不入耳。金輝煌證券可以留下來給你,但撒旦會其他的東西,我全部都要收回來。」「對於金輝煌證券現有的一萬張期指沽空,以及跟元軍的對賭合約,我會自己繼續下去,全部都不會取消。雖然我的財富,與撒旦會相距甚遠,但幾十億元的現金,我還是有能力拿出來的。」「你和元軍的仇恨,真是那麽深嗎?」「是。恨他一世。」「那麽,我也無話可說。」撒旦嘆一口長氣,然後對白蘭投以冷淡的視線,離開了碼頭。他覺得現在的白蘭,已經變得不再理性,根本不適合再做撒旦會的工作。林一鳴





來源: http://hk.apple.nextmedia.com/financeestate/art/20160317/19532406
PermaLink: https://articles.zkiz.com/?id=298245

Next Page

ZKIZ Archives @ 2019