股市旺 富豪飯堂生意料增一成
1 :
GS(14)@2018-02-25 03:22:43■徐維均指經濟環境改善，令港人「想搵啲好嘢食」。
【本報訊】香港去年股樓皆旺，港人荷包大漲，自然帶動食肆生意。「富豪飯堂」家全七福創辦人「七哥」徐維均指，生意額由去年10月起明顯好轉，上月起加價5%至10%依然客似雲來，料今年全年生意額會增長逾一成。徐維均為另一富豪飯堂福臨門前老闆，於2013年自立門戶開設家全七福，照舊走高檔中菜路線做富豪生意。恒指由去年初22000點一路向上，年尾升至30000點，升足8000點，市民似乎亦胃口大增。七哥表示，生意額由去年10月起明顯好轉，較往年同期增長超過一成，料全年生意額維持10%至15%升幅，下半年生意會較好，他歸功於本港經濟環境改善，令港人「想食都搵啲好嘢食」。
■楊貫一表示，富臨新年生意暫時不俗。王偉洪攝
家全七福團年飯爆滿
股壇前輩經常會提到70、80年代股市暢旺，人人魚翅撈飯，那麼今時今日魚翅撈飯的日子有否重臨？七哥稱，雖然去年港股大升，但暫未見有食客特別豪爽，「我哋客路好多係隱形富豪，唔使博，唔使應酬，唔會食得特別豪。內地打貪之後，內地客（消費）都收歛咗。」稱得上隱形富豪，始終有一定消費力。家全七福新年期間生意勁旺，團年飯訂位早於一月底接近爆滿，七哥笑言「再熟都幫唔到手」。家全七福上月起加價約5%至10%，員工亦加薪5%，七哥強調「唔可以待薄員工，要佢哋做得安心。」主理富臨飯店阿一鮑魚的「一哥」楊貫一則有少許憂慮，認為美國經濟不明朗，加上「一個閃電咁，恒指單日跌千點」，暫時難斷言今年全年香港食肆市道如何。不過，富臨新年生意暫時不俗，年三十及大年初二均訂滿座，其餘日子亦有六成滿座。營運經理潘健偉補充指港人新年大多外遊，所以消費群將偏重內地客，內地客過年時亦因為「大家都開心，（消費）會好少少」。富臨新年期間沒加價，但服務費由「加一」變「加二」，「夥計過年要返工，（服務費）都會畀番夥計，客人都唔介意。」香港餐飲聯業協會會長黃家和表示，近期股市回復穩定，若能保持此勢頭，對今年全年食肆市道感樂觀，2017年起香港整體經濟向好，香港人「捨得使錢」有利高檔食肆，料食肆今年生意額平均升逾一成，高檔食肆更有望升逾15%。■記者張浚浩
來源:
https://hk.finance.appledaily.co ... e/20180217/20307950