加密幣香港業內人士意見
1 :
GS(14)@2018-02-21 06:20:49Ronald（coulla掘礦公司董事）「我哋希望由加密貨幣開始，但目標放在區塊鏈的應用。你要去理解個技術背後究竟係啲咩，無可否認有人為咗價格回報；但我哋一開始係睇中區塊鏈的發展潛力，加密貨幣只係其中一種應用，我哋相信未來區塊鏈技術會顛覆IT業！」
洪嘉昊（Genesis Block創辦人）「傳統上好多人覺得政府back up係好實在，但例如早前津巴布韋曾出現嚴重的貨幣問題；我相信虛擬貨幣係政府無法阻擋，一定有它的價值，投機成份亦一定有。現時話泡沫，我甚至認為虛擬貨幣絕對需要泡沫，無泡沫的話，長期講緊一個貨幣值一蚊，你覺得有冇人睬佢呀？現時吸引到人就係因為嗰種賺錢能力，冇呢啲推動，咁複雜嘅嘢點解要去學，完全無推動力㗎喎！」
彭子君（Octagon Strategy總監）「個人來講，好希望立法監管，因為我哋公司已經做足KYC（認識你的客戶）、AML（反洗黑錢），有監管可排除帶來不良影響的同行。」她續說，公司事實上已推行實名制，一旦要追查客戶的資金來源亦能夠查到，強調是「不受監管之中自我監管」。
來源:
https://hk.finance.appledaily.co ... e/20180215/20306422