零OT之謎 人在中環
http://manincentral.blogspot.hk/2012/06/ot.html早上返工，朋友forward左
呢條link俾我。
朋友話懷疑link裡面果個老闆所講既野並唔係真。做會計既只要你唔填timesheet，「理論上」你咪冇OT囉。
我唔係做會計，唔知係真定係假，不過，要同事唔OT，講真真係唔係好難。要特登接少d生意去避免同事OT，對我黎講係有d匪夷所思，但「用幾多人」去
handle「幾多生意」，基本上係有數得計。按照你自己搵到幾多生意，從而去加減人手，係一條小學生都識得計既數。問題係，你計完之後，肯唔肯認真跟住
你計算出黎既結果去增聘人手。老闆孤唔孤寒，響呢一刻表現得最清楚。
呢一篇article，多少有linkage with最高工時既立法。我公司既同事，OT既機會其實極少，但一如一眾仆街老闆，我係極唔希望最高工時既法例會成功通過。你大概會問，既然你公司冇乜OT，最高工時即使立法，都影響唔到你啦，點解你仲會抗拒？
因為我覺得，法例會令我地呢d中小企，請人會更加困難。
大公司要賺到盡，儘管「睇落好似」好有晉陞機會，但基本工作條件一般冇面俾，要OT到三更夜半既職位通街都係。你捱得到就捱，捱唔到就下一位。即使係咁，
大機構果d「非人做」既職位，應徵既人依然係由中環排到尖咀。中小企情況當然唔一樣，要請一個正正常常既同事，其實已經唔係好容易。相比大機構，中小企相
對有人情味，亦比較少好似大機構咁，要人做到三更半夜，過非人既生活。呢一d「似番個人」既工作條件，某程度上已經變成我地呢d中小企，請人時既賣點。假
如有朝一日，最高工時真係成功通過，大機構侷住cut OT果陣，中小企請人時一d僅餘既優勢，都會被削弱。
係咪我杞人憂天？或者啦。不過我請過好多同事，佢地選擇離開大機構，肯響我既小公司裡面「屈就」既原因，好多都話只係想過返一d正常人既生活。亦因為我肯俾佢地過「正常生活」，所以佢地先肯過檔到我公司做。所以呢…嘿。