無綫嗌Cut龍哥節目監製：盡力務求做好本份
1 :
GS(14)@2017-08-06 18:41:13人稱「龍哥」嘅法科師傅杜慶龍，上周喺大台嘅節目《BigBoys歷險記》裡面，龍哥同埋林盛斌(阿Bob)、張惠雅、朱智賢同埋謝東閔去咗西貢曾發生嚴重交通嘅地點超度嘅時候，佢嗰種freestyle嘅諗咒方式，再加上亡靈上身喊住多謝工作人員嘅片段，即刻成為討論話題。有人網民覺得龍哥表現浮誇，亦有人覺得呢個場面好震撼，讚龍哥好勁，留言話會繼續追看，不過前日有人爆料話大台高層唔鍾意兼膠味太濃，決定將腰斬呢個節目，由四集改為兩集，仲話龍哥嘅片段仲會全部刪剪。阿Bob昨日接受傳媒訪問，佢就話完全冇聽過。監製謝英偉(Kent)透過whatsapp接受傳媒查詢：「我是TVB製作人，跟公司溝通，配合公司方向是一定的。至於節目播放長短及時間，是我們另一組同事負責溝通。」再問佢有冇聽過呢件事？佢回覆話「我自己盡力務求做好本份，配合公司方向外，最好觀眾也滿意，十分感謝大家支持。」仲有報道稱無綫承認上述傳聞。至於周日《BigBoys歷險記》播最後一集，嗰集係「『人在野』求生訓練」，陳國峰、董敬文(TT)、鄭嘉豪及譚永浩跟國際探險行動領隊梁念豪學習求生技能，體驗原始生活，梁Sir仲準備神秘「補品」俾佢哋，但眼見美食當前，竟有嘔心感覺衝口而出。節目主持之一嘅朱智賢回覆傳媒時稱：「當然可惜啦！因為各位主持都有花心機、精神同時間拍呢個節目嘛，都希望大家睇到自己嘅努力。」
來源:
http://hk.apple.nextmedia.com/entertainment/art/20170806/20112989