ZKIZ Archives


股東“鉅盛華”出手!為南玻A提供20億無息借款

南玻A晚間公告,南玻A收到股東深圳市鉅盛華股份有限公司的來函,為支持公司的穩定經營發展,鉅盛華作為公司股東,願意為公司或通過其指定關聯方為公司提供總額為人民幣20億元的無息借款。本次交易構成關聯交易。

公告顯示,近期,公司高級管理人員等發生重大變動,本公司股東鉅盛華或其指定關 聯方自願向公司提供免收利息的借款,無其他任何額外費用,亦無需本公司向鉅盛華或其指定關聯方提供保證、抵押、質押等任何形式的擔保,該筆借款將用於主業持續穩定經營。

PermaLink: https://articles.zkiz.com/?id=224436

林一鳴無聲無息又升職

1 : GS(14)@2016-09-28 04:47:03

【明報專訊】資深投資者林一鳴成為漢能薄膜發電(0566)最高薪高層!原來佢喺公司5月大換血後靜靜雞升職做副主席,月薪仲加咗近三成,年薪已經衝破400萬,人工幾級跳,真係恨死小琴!

人工加三成 年薪突破400萬

據公司舊年年報,2015年1月1號起,林一鳴仲係公司執行董事,每月酬金26.8萬元,不過事隔短短1年幾,今年5月20號起,佢已經升咗職做副主席喇!升職梗係要加人工,據公司最新中期報告,林生人工由每月26.8萬元,足足加近三成至34.8萬元,年薪由321.6萬,多咗96萬至417.6萬。

不過正所謂食君之祿,擔君之……憂,漢能當前急務係復牌,如果復到牌,恐怕李河君年薪1000萬都肯畀,咁就要睇吓林生除咗講市之外,搞復牌又掂唔掂喇。

email: [email protected]

[小琴密語]


來源: http://www.mpfinance.com/fin/dai ... 8927&issue=20160928
PermaLink: https://articles.zkiz.com/?id=310332

操盤手札記:無息收就勢係假

1 : GS(14)@2018-01-08 00:50:35

呢期最hit,非Bitcoin莫屬!Bitcoin價格喺11月29日突破10,000美元,12月17日突破20,000美元,今年以嚟升幅近20倍!Bitcoin狂升,惹嚟丹麥央行行長Lars Rohde力斥係致命嘅賭博,但南非央行前官員Eugene Etsebeth則力撐有條件成為數碼黃金!
Cryptocurrency(加密貨幣)一副挑戰Fiat currency(法定貨幣)嘅架勢,央行界當然關注,投資界亦議論紛紛,David Webb就形容係龐氏騙局!客觀嚟睇,Fiat currency嘅面值有政府擔保,亦有利息;Cryptocurrency則靠嚴控供應嚟支撐面值,無擔保,亦無處理利率問題。Crypto係擺脫政府嘅交易媒介,呢個既係賣點亦係弱點。咩合理價、目標價,難以用基本因素同技術分析,齋講供求。一枚Bitcoin買到4手匯豐控股(005)有凸,我寧願買匯控,話晒有5厘息。升幅係差好多,但穩陣好多!美國稅改行將落實,經濟增長料將加速,副產品係通脹。聯儲局開晒口,明年再加息3次。不過,美國加息唔係純粹經濟原因,喺政治上係打金融消耗戰!加息引導全球資金流向自己,其他國家為咗留住資金,被逼跟隨加息,玩唔起就會被玩死。美國上周加息後,中國隨即出手,明顯係擔心走資。美國今個加息周期由2015年12月起步,累計加息5次,合共1.25厘。雖然香港銀行體系資金充裕,未有跟隨,但港元同美元掛鈎,息率偏低會引發套息活動,估計拖到明年中就要跟隨,否則港元會捱沽,流向美元同人民幣。喺加息周期,要特別留意上市公司嘅現金流,宜揀淨現金公司或派高息公司,避開孭重債公司。各行各業中,有加息話事權嘅銀行業可以睇高一線,具美國業務嘅匯控更加秤先啲。匯控7月至今喺70元至80元區間上落接近半年,橫行走勢屬於靜極思動現象,橫行時間越長,後向動力越大,值得期待。割柑人本欄逢周四刊出



來源: https://hk.finance.appledaily.co ... e/20171221/20251429
PermaLink: https://articles.zkiz.com/?id=346381

Next Page

ZKIZ Archives @ 2019