松岡嗌洗米華「大哥哥」做中介多富豪朋友
1 :
GS(14)@2017-07-09 12:16:13自言覺得洗米華「係好有吸引力」嘅松岡，話明「我唔可以傷害任何人嘅屋企人，我哋之間都冇事發生過，所以可以繼續傾偈。」日前記招上，松岡稱洗米華做「周生」，仲話當晚與周生火辣共舞，應該係佢(即松岡)本人有少少醉。禮拜六有雜誌報道指，松岡開公司做中介人，為富豪同日本商人拉線買物業，所以先至同一男子去到半山干德道嘅璈珀睇豪宅，其實嗰次係幫個客睇嘅。周刊仲問松岡之後會否再同洗米華合作呢？會否避嫌？松岡就話唔介意，又稱呼對方做「大哥哥」，話如果「大哥哥」再搵佢做Job，佢係好樂意。記者再直問松岡係咪身邊好多猛人？松岡好有技巧咁答，稱身邊係有好多有錢朋友，亦有好多低收入朋友。做娛樂圈，多機會識唔同層面嘅人，松岡話佢覺得最重要係睇下大家夾唔夾做唔做到朋友，唔係講錢。
來源:
http://hk.apple.nextmedia.com/entertainment/art/20170709/20083686