ZKIZ Archives


龍記盈警 PARTIPRAL 派得好

http://partipral-hk.blogspot.com/2012/05/blog-post_08.html

本公告乃龍記(百慕達)集團有限公司(「本公司」),及其附屬公司(「本集團」)根據香港聯合交易所有限公司(「聯交所」)證券上市規則(「上市規則」)13.09條而發出。

於二零一二年五月七日舉行之股東週年大會後,本公司就回應報章所指本集團現時表現未如理想。本公司董事會(「董事會」)欲更新本公司股東及潛在投資者就基於本公司內部未經公開發出之未經審核管理財務報表及資料,截至二零一二年三月三十一日第一季度止之本集團溢利與去年同期比較錄得顯著跌幅。歐洲及美國債務危機之負面衝擊仍然影響市場,而同時中國內需市場已減弱。市場內總訂單之減少加上持續上漲之營運成本導致本集團溢利減少。

此公告內之資料乃基於本公司現時可提供之未經審核管理財務報表及資料,其未經本公司核數師審核或檢閱。有關本公司之財務資料之進一步更新,預期於本公司截至二零一二年六月三十日止之中期業績中披露。

應本公司之要求,本公司股份已於二零一二年五月八日之上午九時及上午九時三十分,分別於聯交所及新加坡證券交易所有限公司(「新交所」)暫停買賣,等待此公告發出。本公司已向聯交所及新交所申請本公司股份由二零一二年五月九日分別於上午九時及上午八時三十分起恢復買賣。


從龍記早前所公佈既全年業績所見, 應不難發現公司有向下勢頭. 單睇上期業績, 斷估第一季營業額數字上應該唔會跌太多, 出事既可能係僱員成本, 此項支出11年下半年其實升得好勁. 工業股面對最大既問題係利潤率一般都高極有限. 造成既情況可能係營業額跌少少, 成本升少少, 帶來既盈利反差已經可以相當大.

當然呢個情況都會存在於其他固定成本佔總成本較高比重既公司, 只係工業股會比較常見咁解. 此問題既解決辦法唯有係將公司做到宇宙最強, 做到人人都要同你買, 咁先真正有議價能力. 如果一直無決心做大, 其實很難令盈利長期維持增長, 最終出現既情況只會係久唔久有一年會發覺利潤飆得好勁, 但轉個頭第二年可能已經打回原型, 長期浮浮沉沉, 半生不死.

作為一個業餘投資者, 有時有好多道理都要衰過先會明白, 而押注工業股最棹忌就係可能等到利潤抽到爆先進場. 當中股價發展過程可能係公司做得好果年,盈利, 估值雙雙向上推進; 及後形勢逆轉, 盈利, 估值同時收縮. 由於股價=盈利*估值, 所以一高一低差異可以好大. 跑上天台後再跳回地面,斷手斷腳實乃必然. 整個操作失誤簡單來講, 就係將週期股誤作增長股.

至於如何判辨一家公司當年盈利是否純屬週期性, 好多時都係事後回望先最準確. 當時單睇一期業績, 一般而言都比較難判, 所以此類"偽增長股"陷阱,個人認為比較難以避免. 不過始終相信一家公司經營上轉勢, 多數會經歷一段時間, 可能係下一兩業績個業績期會睇到多少端倪. 就以龍記為例, 我認為去年8月公佈半年業績時已經可以聞到多少異味, 當時股價$4.60, 就算以最高位$5.5進場, 計及除息因素, 最後都係輸一成左右落樓, 情況又非想像中壞. 要知道押錯注輸錢係必然, 但不可能因為驚輸, 而連下注既勇氣都無埋. 只要注碼在可控範圍之內, 錢雖然輸, 但賺左經驗, 計落仍然除笨有精.

我自己都要等到3月先沽龍記, 其實擺明係沽遲左, 但由於此情況不會只出現於工業股身上, 所以仍然值得借今次呢則盈警通告再自我提醒多次.


PermaLink: https://articles.zkiz.com/?id=33408

Next Page

ZKIZ Archives @ 2019