水野亞美忽然發育疑隆胸變肉彈
1 :
GS(14)@2017-03-26 15:38:22於2003年播出嘅真人版《美少女戰士》，令飾演火野麗嘅北川景子嶄露頭角，如今更成為影視界紅人，就連其戲外好姊妹泉里香近期都人氣急升，事關佢忽然改以肉彈姿態發展，令男士們對泉里香立即刮目相看。28歲嘅泉里香曾以濱千咲及梨華之名在圈中發展，十幾年前佢就以濱千咲身份在《美少女戰士》中飾演真人版水野亞美。泉里香入行多年都惜肉如金，上年才首次拍水着寫真大晒D Cup上圍，更決定下月11日推出入行以來首本寫真集《Rika!》，主題又係大玩模擬同女朋友剛剛拍拖嘅感覺，泉里香以比堅尼上陣展示火辣身材及白滑肌膚。好多男士都有疑問，泉里香人靚身材正點解一直唔拍水着寫真？近日有網民翻炒泉里香昔日舊照，由濱千咲年代到五年前，發現泉里香起咗好大變化，樣貌有否加工已不再話下，睇佢當年上圍同現時相比，Cup數可謂兩級跳，單係23歲時拍下嘅時裝硬照目測只得B Cup身材，引起大批網民討論佢係咪第三度發育，令泉里香惹上整容及隆胸疑雲。
來源:
http://hk.apple.nextmedia.com/entertainment/art/20170326/19970413