藝人同性密友蘇施黃承諾照顧金燕玲一世
1 :
GS(14)@2016-11-17 11:30:37今年47歲嘅陳梅馨(現名陳明君)一生情路不太順利，分別於96年及98年被溫兆倫及姜皓文「重創」後，現與同性密友Michelle一齊打理日本菜生意，其實娛樂圈中都有不少藝人與同性密友交往。竇靖童今年6月，童童被《蘋果》讀者爆相爆片，話佢與同性設計師Rebecca蜜遊倫敦，但7月便傳出佢哋嘅「分訊」。關菊英菊姐於1982年同音樂人黎小田結婚，可惜婚姻只係維持咗兩年。2009年菊姐承認與同性密友周偉利交往，更指對方對自己同屋企人都好好，仲公開表明已經視周偉利為終身伴侶。金燕玲金燕玲於1981年同采蝶軒老闆梁廷斌離婚；於89年再婚，可惜最後都離婚收場。金燕玲近年經常與同性密友蘇施黃出雙入對，即使阿蘇近年受盡類風濕關節炎之苦，仍然死撐密密做，更承諾要一生照顧金燕玲。何韻詩何韻詩於2012年出櫃，公開表明自己同志嘅身份。但原來HOCC同劉浩龍拍過拖，分手後就同容祖兒傳過緋聞。點知之後容祖兒同劉浩龍認拍拖，HOCC就喺微博發表「一刀直插心臟」論，仲取消關注劉浩龍。
來源:
http://hk.apple.nextmedia.com/entertainment/art/20161117/19836090