中環在線：陳啓宗寫稿從未遲交 李華華
2008-11-10 AppleDaily
恒 隆地產（101）主席陳啓宗向以言詞尖銳見稱，每年恒隆年報上嘅主席報告書，都係由佢親自執筆。佢talk得又寫得，講嘢不時有精警名句，不過華華聽聞， 朗尼（陳啓宗洋名Ronnie）幾忙都好，即使工作排到密不透風，應該唔得閒寫稿，都會準時喺deadline交稿，未試過遲稿。
篇幅一年比一年長
主 席報告書係中英對照，聽恒隆中人講，朗尼陳通常寫英文，中文就交由同事繙譯。不過，華華擔心嘅係朗尼一時寫得興起，停唔到筆咁點呢？恒隆嘅主席報告十足萬 言書，07年度嘅年報就長14頁，08年度年報更長18頁，會唔會超出預算呢？原來負責嘅同事好醒目，預多咗空間畀老闆，你估朗尼係華華呢啲small potatoes咩，寫長咗嘅稿要俾人刪，貴為集團主席，邊個敢郁佢篇稿。華華聽聞，負責嘅恒隆職員，收到老闆嘅萬言主席報告之後，既唔改得又唔刪得，有 幾長就要落幾長。咁，如果老闆寫錯字又改唔改得呢呵？今年恒隆仲將老闆過去十年嘅主席的話，編成一本60幾頁《十年主席報告》，送畀股東睇o忝。
陳啓宗過去數年在主席報告書內金句
08年度
‧市道好時吾等不會擠壓租戶一分一毫作租金，市道壞時吾等亦不會反目無情……亦無意恃強欺壓良好租戶。
‧（內地）負責經濟事宜之政府高級官員看來非常能幹，但他們未曾經歷重大之市場波動……
07年度
‧應當注意，本人在亞洲曾多次目睹有發展商於贊助某些國際商業雜誌舉辦的研討會後，隨即獲該等雜誌頒予此獎彼獎。吾等認為該等行為實乃弄虛作假，故拒絕參與其中。
‧要戰無不勝乃不切實際，但運氣偶爾會垂青辛勤之輩，而吾等確實非常辛勤！
06年度
‧許多發展商喜歡合同措詞含糊，好讓他們日後佔甜頭。他們忘記對方是擁有最終決定權的政府。
‧購物商場是我們在內地的主要產品，故在某程度上，我們可被視為消費股而非一家純地產公司。地產是一項工具，可藉此受惠於增長迅速的中國消費……
李華華