貌似鞏俐子怡混合體彤叔知己傳身家逾5000萬
1 :
GS(14)@2016-10-29 13:20:29陪伴「彤叔」鄭裕彤8年嘅知己Cindy(顧美蓮)，喺彤叔離世後成為焦點，昨日有周刊問過當年帶姪女Cindy來香港嘅Boe媽，Boe媽講到喺1999年嘅時候，喺深圳帶Cindy嚟香港，最初一齊住，04年帶咗佢去酒會，嗰次就係第一次見彤叔，之後就係Cindy被影到同彤叔喺置地飲茶，就係咁成為彤叔身邊紅人。據知Cindy年約三十幾歲，人稱貌似鞏俐同章子怡混合體，皮膚白雪雪，曾參選哈爾濱舉行嘅美少女選舉，冠軍，18歲由哈爾濱去到深圳，99年由姑媽Boe媽帶來香港。一心從事演藝工作嘅Cindy，曾參加過「灰姑娘大變身」添！來港之後Cindy成個唔同晒，有傳彤叔送過單位俾Cindy，而Cindy名下又真係有過3個物業。先係喺2006年有678萬買入干德道30號低層單位，喺2011年9月以$1,350萬賣出，o依家Cindy就仲有兩個單位揸手，分別係喺2010年11月以價值$429萬購入嘅土瓜灣傲雲峰3座高層，同喺2011年9月購入價值$3,800萬嘅舊山頂翠峰園低層D室，出入又有司機接送。據Boe媽講Cindy依家改埋名轉埋行做保險，重新開始添，但Boe媽就鬧爆佢「過橋抽板」、趕佢出舊屋又冇再供「水」，一句到尾，即係話有人唔識知恩圖報囉……。
來源:
http://hk.apple.nextmedia.com/entertainment/art/20161029/19816012