胡官：倘任特首必查梁醜聞
1 :
GS(14)@2016-10-29 13:07:53■胡國興昨表示，希望立會各黨派齊心跟進梁涉及的醜聞。
【本報訊】退休法官胡國興前日宣佈參選，表明要阻止特首梁振英連任，他昨出席電台節目再就梁涉多宗醜聞，包括僭建、收取UGL巨款事件、廉政人事風暴開炮，表明一旦他成為特首必會跟進，「呢啲嘢一定唔可以畀佢走雞」，對於梁振英質疑下屆特首換人無用，胡指說法「好笑」，「換人未必解決到問題，但唔換人就一定解決唔到問題」。前日正式宣佈參選特首的胡國興，昨日先後接受港台和商台訪問。被問到今次參選特首是否為了阻止梁振英連任時，胡國興直言「呢個一定係最大原因」。有電台聽眾不滿梁振英涉及的UGL事件至今「不了了之」，又指梁及唐英年同被揭有僭建，但只有唐被控，質疑梁振英是否有特權。胡國興聞言後對此表示認同，批評梁振英有誠信問題，「我都覺得，我實情感同身受，我覺得呢啲嘢一定唔可以畀佢走雞，唔可以置之不理」，又表示他個人亦十分好奇，為何僭建事件只有唐英年一方「出事」，「我做法官唔係盲嘅，我都睇到，呢啲嘢應該要繼續深入研究」。胡國興又希望立法會不同黨派能齊心，跟進涉及梁振英的公眾關注事件，「立法會齊心，實情可以調查乜嘢都得，UGL事件、廉政風暴都可以調查」。對於廉署被指因UGL事件觸發連串人事風波，胡國興直指「如果我做特首，就必定徹查，唔會唔理佢」，又稱他支持立法會介入調查。對於梁振英至今未為《防止賄賂條例》修例，令特首亦要受法律規管，胡國興批評是「冇道理、係錯嘅」，又揶揄「人人都明白佢（梁振英）點解唔做（修例）啦」。
「唔換人一定解決唔到」
梁振英前日公開質疑換特首言論，反問下屆特首「換人有用咩？」胡國興直言對有關說法感「好笑」，「我覺得係最好笑係佢（梁振英）呢個說法，換人未必解決到問題，但唔換人就一定解決唔到問題，呢個係最直接嘅答覆」。他認為制度本可以將人為錯誤減少，但制度始終有限制，實際不少問題背後也是人為，民主選舉制度可貴之處，就是定期可以換人，令市民可以「有個解脫」，不點名指「如果你明知嗰個人錯嘅，你由佢繼續做落去、唔換人，咁就永遠解決唔到個問題」。■記者林俊謙
來源:
http://hk.apple.nextmedia.com/news/art/20161029/19815973