【古法線面】區議會反對發牌 80歲線面婆婆話失傳都無法
1 :
GS(14)@2016-10-13 08:10:13梁太十幾歲時自己學懂線面，線面看似簡單，但其實大有學問，而且很花體力。
「要好細心掹毛㗎，你以為淨係揸條線呀？要好大力，阿媽嘅力都出晒㗎，嗰啲陰力呀。」今年80歲，在屯門街頭擺檔幫人線面已經七、八年的梁太說。
「我媽咪係幫人掹毛梳髻㗎，佢以前好靚㗎，掹完紅紅白白，而家啲人又搽眼又盛，以前咩都冇。我媽咪要湊細路，又要返工，又要耕田，邊得閒教我箒，我自己拎條線學㗎咋，十幾歲掹到而家啦。」梁太從身邊的環保布袋拿出幾捲粗幼不一的棉線，向我示範她口中的「掹毛」，即線面的技巧，見她先在客人臉上抹上白色的海棠粉，好讓臉毛豎起，然後再抽出一條長長的幼棉線，用門牙咬着線的中間，兩手純熟地將兩邊線頭翹了幾圈，再在面上線呀線，線呀線，髮鬢、額頭、鼻翼、人中、下巴，由上而下順序線下去，然後又用一支平時用來挑線頭的小錐，幫客人修眉，見她全身都在擺動，就知道線面所花的力氣不小，大約半小時，客人的臉頰就線得光光滑滑了，客人一邊照鏡，梁太一邊說：「唔使做激光，呢啲都掹得好乾淨，你返去敷塊面膜，就好靚啦。」線面看似簡單，但其實大有學問，一點也不容易，「你咬線都有技術㗎，你條線貼得近，就唔會痛，但吊住條線，又會掹唔到，會整損皮膚，邊個話冇技術？要好有技術㗎！如果唔係你試下幫我掹吖。」說罷，梁太更示範「自己的臉自己線」，將棉線翹着自己的布鞋並踩着，然後俐落地幫自己「掹毛」，「我冇做過美容，我個女都係我幫佢線面，新抱都係。」她幾乎每天都在天橋底開檔，附近環境不時傳出陣陣尿臭味，生意並不穩定，有時甚至食白果，「禮拜咪有幾個人囉，平時好靜，今日坐到而家都未開市，係過年前嗰幾日就好生意囉，你又掹，我又掹，過年嘛。」她又試過被食環署捉拿驅趕，「試過成班人包圍我，又去過幾次法庭、罰錢都有，捉過好多次啦，唔記得幾多次咯。」幫客人線面，梁太只收60元，以為她是為生活，才一把年紀還每日擺檔幫人線面賺錢嗎？其實她有六個兒女，連曾孫也有，生活一點也不成問題，家人也反對她繼續擺檔，怕她辛苦，同住的么女甚至會收起她的工具，梁太說：「我偷偷走出嚟做咋，坐喺屋企好悶呀，唔係睇電視，就係瞓覺，邊瞓得咁多？嚟呢度光猛啲，同啲人傾偈，人都開朗啲，你話係咪吖？」雖然在屯門擺檔，但有不少客人都是由其他地區專誠到來，「有啲九龍嚟，荃灣、深井都有，仲有個台灣男人係聽人介紹，嚟香港做嘢時過嚟搵我。」客人的一句稱讚，正是她堅持做下去的最大動力，「人哋話『梁太，好靚呀』，聽到係咪好開心呀？我同啲客講，我有90歲仲掹到毛嘅話，都繼續同你掹呀，啲客聽到不知幾開心。」最近有報道指，食環署有意發小販牌給屯門幾個街頭線面師傅，包括梁太，但區議會有人反對，計劃只好暫時擱置，兩個月後再商討，「牌牌牌，排咗幾年都冇發牌，點會拎到吖，拎唔到㗎喇，話拎就拎咩？登記咗都冇牌。」線面是傳統工藝，但懂得這技術的人已越來越少，梁太慨嘆：「一來後生學唔到，二來污糟，好污糟㗎，啲毛會周圍飛，我幾十歲又點會怕污糟吖，失傳喇，仲點會有人學。」記者：黃子配攝影：劉永發、王國輝
大多數線面師傅只會用一種線幫客人線面，但梁太會因應不同部位，而選用粗幼度不一的棉線，這是她的堅持。
梁太在天橋底擺檔，食環署曾考慮向她發小販牌，但區議會卻有人反對。
來源:
http://hk.apple.nextmedia.com/su ... t/20161013/19798869