中環在線：周亦卿「四叔好嘢」
2008-11-06 AppleDaily
內 地省市來港搞招商會，冇乜點受金融海嘯影響，噚日浙江省諸暨市就搞咗個。呢個地方聽過嘅人怕者唔多，加上富豪家陣未必有心情投資，所以冇乜人撐場，只係見 到比較少應酬嘅其士（025）主席周亦卿到場。咁又係，話晒周主席都係浙江人，點都要畀面撐吓同鄉。華華問周主席點睇呢個招商會，佢答話：「呢個係大場面 嘛，所以要嚟睇睇？」但招商會喺四季酒店一個只可容納200幾人嘅會議室舉行，唔多覺有富豪或名人到，場面有幾大，真係見仁見智囉。
至於係咪投資家鄉浙 江，佢只係話：「睇定啲先。」噚日金融圈話題之一，離唔開四叔李兆基沽國壽（2628）套現，周亦卿一味大讚：「四叔好嘢！」係指四叔做生意好嘢，定投資 有一手呢？佢笑笑口話：「投資好嘢，乜都好嘢！」跟住就冇再講多半句。