ZKIZ Archives


《使徒》導演文偉鴻PA升經理專拍話題「性」作品

1 : GS(14)@2016-08-16 06:11:24

大台PA出身、做過導演、監製再火速升到做經理嘅文偉鴻(Jazz Boon),雖然監製嘅作品唔算多,但係每一次都成功製造咗唔少話題,好評同負評都有人講、有人鬧!好似佢第一部作品《法網狙擊》,其中一場講富二代白健恩喺迷幻派對打暈高海寧,繼而將佢強姦,仲搞到背脊紅痕處處兼爆唇,嗰陣呢場30秒嘅強姦戲,未播之前已經惹嚟萬眾關注。之後《My盛Lady》唔單止搵咗男神黃子華助陣,子華仲贏咗視帝(最佳男主角),許紹雄贏得最佳男配角獎項。喺《使徒行者》裡面,搵咗林峯同佘詩曼演出,仲贏埋最佳劇集呢個獎,搞到大台食住個勢,開拍電影版,Jazz亦負責擔當導演。本來Jazz開拍嘅《性在有情》,最初因為題材涉及性而太敏感,唔適宜喺合家歡時間播出,最初係播映無期,不過最後因為大台力谷myTV SUPER,先令呢套劇逃出生天,仲成為首播劇。《城寨英雄》與及執導嘅電影《使徒行者》依家正在熱播中。向來都低調處理家事嘅Jazz,有指他已婚兼育有兩子,不過因為多次起用陳敏之,曾經有傳拍《My盛》時,徐子珊不滿陳敏之戲份太多而鬧不和,結果Jazz捧愛將過咗火而傳出兩人親密友好關係,但兩人分別否認此事。




來源: http://hk.apple.nextmedia.com/entertainment/art/20160815/19736760
PermaLink: https://articles.zkiz.com/?id=305952

Next Page

ZKIZ Archives @ 2019