2015-10-29 NM
早排大陸媒體對「超人李」口誅筆伐，一班潮州同鄉具名具姓登報力撐李嘉誠，凸顯潮州「家己冷」團結本色；其實誠哥同一班鄉里嘅感情深厚，一起走過「穿膠花」的日子，小宗挖咗批舊照，俾大家索吓超人年輕時嘅「魅力」。 金融逍遙客：艷尼靠定慧寺「融資」 游走於中港台併購、私募投資的金融多棲動物，現為多間上市公司主要股東及董事 這幾個星期香港佛門新聞，既香艷又刺激，一點都不比娛樂財經圈遜色。套句財經術語，就是定慧寺CEO師姑，以定慧寺作平台，長期向信徒融資，但卻無心經營本業，連盡吓基本道義、保養吓寺廟都冇！脫下袈裟後，師姑盡享俗世榮華富貴。那邊廂，新加坡也有教會創建人，被控挪用數億巨款轉往為妻子出唱片，可見行騙事業不分東西國界。本質上此眾與順豐電話騙徒及寶藥黨，皆是一丘之貉，利用群眾的純善或無知或貪心或恐懼。每人出身經歷知識各異，無知貪婪或恐懼都不是罪過，亦不應受懲罰，保護弱勢社群是一個正義社會應堅持的核心價值。看到這些披着宗教外衣，滿口仁義道德，私下卻用盡信徒信任，做盡偷呃拐騙之能事的人，真覺得比寶藥黨更為無恥。情感上，寶藥黨全以陌生人為對象，受騙亦有多少係貪求回報而中招。但此等宗教人士所騙對象全是朝夕相對，對佛堂教會的捐獻動機純潔。他們視主持人既長輩也同志（共同志向也），如果真有十八層地獄，不知這類騙徒會被編到第幾層？大千世界，行騙已是千年偏門事業之一，從業人員也與時並進，身份角色內容都因應時代而變化，活生生出現你我身邊。唯一保護自己的心法，就是少貪心、多獨立思考。逍遙客的經驗是，經常過多強調仁義道德、表現大義凜然的人士，其性格行為都極具陰暗面，提高對此種人的戒心，一般都錯唔到去邊！ 中環寸嘴：唔好虐待忠實股東呀 工廈大王楊耀松長子，是各大有名食肆之VIP，喜歡研究城中有錢佬對食之要求，透過美酒佳餚，察看人生百態，讓讀者「嗒」落有味。 重陽節有「登高」呢個習俗，可消災避難，我梗係唔輸蝕一早訂定103樓高嘅天龍軒食晏來應吓節；嗰日都好爆滿，好多友仔都識嘢，新地郭老太同仔女，黃浩又同老婆仔女都喺度。早就叫侍應將支白酒雪「行」佢，唔夠凍味道都唔同嘅，我同佢講：「喺普通餐廳，我一定叫最貴嗰支白酒，肯定雪得耐夠凍，不過喺呢度唔敢大你！」再開多支牙擦蘇（Echezeaux），個Sommelier Benson話支酒係酒店最後一支，冇貨o架啦。咁就殺啦，見佢喺褲袋又係攞支疑似「瑞士軍刀」來開酒，即刻喝停佢，容乜易又好似家傳七福條友咁，要我隔渣（木塞碎）來飲，吖，Benson反應快，佢話呢個開酒器喺法國Bordeaux買o架，兩千幾銀港紙，原來係佢私伙架生，講到咁好放埋喺我面前，以為佢送俾我添，真係「意識唔好」。上個禮拜記者打嚟問我電能同長建合併個換股比例，我都差啲唔識乜嘢係電能呀。以前老豆買落三電：中電、港燈，同埋香港電話，兩間都俾超人李兩個仔變到唔知乜嘢嚟，希望Victor李唔好學佢細佬Richard咁，虐待我哋啲忠實粉絲，如果唔係就私有化算數啦！呢個世界冇fans就冇用啦，人哋麥浚龍初初出道，佢老豆麥紹棠都搵fans捧吓個仔，舉牌就$200，追車又$300！ 球會識做鄉紳讓路 銀有份贊助嘅香港高爾夫球公開賽，上個禮拜喺粉嶺高爾夫球會舉行，附近鄉紳都有幸有「飛」入場，感受一下英國佬留低嘅高級會所氣場。其實粉嶺高爾夫球會好懂得同班鄉紳「和睦相處」，話說食力簡條松柏[!9CCB]村和大頭嶺村有地又有墳喺高爾夫球場內，球會朝早七點半前以及下午三點後，歡迎有原居民身份嘅村民入場「吽」幾棍，做吓上等人。班鄉紳話明慣咗九月初十「食山頭」，開波日撞正大頭嶺鄉民拜山，平日球會咁識做，咪改期拜咯，呢個充滿殖民地色彩嘅球會，像昔日殖民地政府將班鄉紳搞到tup tup掂。 馬會大小周 已故「爪皇凌雨」馬主周南同佢匹愛駒前後都因心臟病發而過身，周南個仔現仍活躍於馬場，名字係周永健；同馬會副主席周永健同名同姓，經常俾班口痕馬主當笑話，話佢老豆個名又係好好記，以為係前新華社香港分社社長周南，「小周」雖然喺馬會個ranking不及「大周」，鋪王周南剩低大堆靚鋪，過去十年水漲船高，論身家「小周」唔輸蝕得過俾「大周」喎。 | ||