【蘋果動搞作】暴龍哥做侍應鄭中基斟茶騰雞
1 :
GS(14)@2016-11-21 00:05:04■Ronald認為做侍應最困難之處，是要捧飲品。
鄭中基（Ronald）闊別紅館十年，申請到明年農曆新年檔期舉行個唱，本來只開1月28、29日兩場，因群情太洶湧，最後加開1月27日、年三十晚一場還「飛債」。Ronald趁未忙於演唱會綵排，日前變身「猛龍特種侍仔」跟《蘋果》到銅鑼灣一間餐廳踩場做侍應。
■Ronald開工前，向職員請教怎樣落單。
■Ronald有推介食物，但不被接納。DV圖片
■不少食客認出Ronald，即被要求合照。
諗過開火鍋店
一本正經拿着餐牌的Ronald，諗住招呼餐廳第一枱兩女一男的客人，豈料一眼就被認出，上完餐還被食客要求影合照。Ronald應付第二枱客時，又被食客認出，男食客還大叫問：「咦！暴龍哥？」雖然Ronald想死撐，但食客還擊：「唔係咁都認唔到呀！」事後Ronald笑言：「我有進步㗎，仲快咗俾人揭穿。」他又自讚好叻，有推介客人食意粉：「穩陣就食肉醬意粉，或者野菌意粉，但佢哋兩樣都冇叫，叫西蘭花長通粉同西瓜汁，真係好西喎！」
Ronald指以前暑期工做過執貨倉務員，在外國讀書時也試過跟同學去婚宴唱歌助興，反而侍應未試過。問Ronald替客人斟茶遞水有何感受？他笑說：「好大壓力㗎，最怕淋晒啲嘢去客人度，因為要單手托住個盤，所以見到有四個人嚟就好驚，因為會有四杯嘢飲。」問到可有興趣做飲食生意時，Ronald承認之前有計劃開火鍋店，他說：「初初諗住全部嘢都係生，準備個湯底就得，後來再諗吓做其他生意，諗吓諗吓到而家都未做！」
■早前Ronald在澳門開騷，獲囡囡Emma上台送花。資料圖片
個唱近三小時
談到即將舉行的香港個唱，正所謂十年人事幾番新，問如今開演唱會，心態跟以前有何分別時，Ronald直言感覺很不同：「以前當玩多啲，最緊要自己開心，而家想做好啲，想唱多啲人哋鍾意嘅歌，所以今次嘅演唱會rundown都有2小時45分鐘。」他又事先張揚五歲囡囡梓喬會上台唱歌，又爆囡囡有「飲歌」：「佢係唱英國女歌手Adele嘅歌，但我估佢唔知自己唱乜，只係背晒歌詞。」採訪：小米攝影：馮峰、卓振輝、葉君海場地提供：HMV銅鑼灣旗艦店髮型：Horace Tse of hair play化妝：Mon Chun服裝提供：McQ
來源:
http://hk.apple.nextmedia.com/entertainment/art/20161120/19839364
【有請暴龍哥2】啲客叫牛歡喜 鄭中基：你好多個西
1 :
GS(14)@2016-11-21 00:05:04Ronald身邊位女食客都幾大膽咁話：我想試鄭中基口味。
鄭中基（Ronald）上一集秒速俾食客認出，匿埋備戰後佢再出動應付第二枱客，估唔到仲快俾客人認到，男食客仲即刻大叫問「咦！暴龍哥？」雖然Ronald仲想死撐話：「有冇搞錯呀！」點知食客仲要話：「唔係咁都認唔到呀！」一眼就被認出，客人仲問Ronald做到幾時，佢就好抵死咁話，自己冇戲拍，演唱會又未開，屋企化骨龍又要食飯。事後Ronald笑言：「我有進步架，仲快咗俾人揭穿。」佢又話自己好叻，有推介佢哋食意粉，叫佢哋穩陣就食肉醬意粉，或者野菌意粉，但佢哋兩樣都冇叫，叫西蘭花長通粉同西瓜汁，真係好西喎！」
食客一眼認出鄭中基，仲問佢有冇牛歡喜食。
上集提到動用咗9部機拍攝，Top Shot先拍得清楚整個環境。
玩得咁開心嗱！《蘋果》預先準備咗一枱麻煩客人「招呼」Ronald，睇下佢會唔會一秒變身暴龍哥發爛先！預先準備嘅兩男兩女客人，坐底後連頭都冇抬起望Ronald一眼就攞住餐牌係咁揭，又叫Ronald推介食啲乜好，點知Ronald叫佢飲嘢，佢就話未食嘢，叫佢食和牛漢堡飽又話怕飽又話唔食牛，叫佢食雞翼配辣醬又話唔食牛，炸魷魚又話熱氣喎！搞咗一輪要一碟炸魚薯條。
合照、集郵係食客見到鄭中基嘅指定動作。
片段去到尾，有班「媒」嚟到考吓Ronald，唔知會係Ronald黑面先定班客仔黑面先呢？
雖然Ronald之前話要試下用黑臉功落單，但係佢全程冇發脾氣噃！同時，佢亦都完全察覺唔到俾大家反整蠱，仲以為大家知佢拍嘢，唔想被偷拍先趕佢走添！不過你咁有耐性，比你合格啦！採訪：小米拍攝：峰、Neo編導：Kaman、Roy剪接：Roy
Hair：HORACE TSE@ hair play
Make Up：Mon Chun
Venue：hmv銅鑼灣旗艦店
Wardrobe: McQ
來源:
http://hk.apple.nextmedia.com/entertainment/art/20161120/19839755
What we are reading：暴龍的說明書
1 :
GS(14)@2017-10-22 17:21:22「暴龍是最知名恐龍」這句說話，相信無人會有異議。的確，暴龍既是地球史上其中一種最大型的生物，其兇猛的特性亦於不少作品如《侏羅紀公園》中有不同演繹，絕大部份人都會對暴龍印象深刻。不過這些印象又是否真有其事呢？David Hone去年寫的《The Tyrannosaur Chronicles》輯錄迄今已有的暴龍研究資料，為讀者剖析暴龍裏裏外外的特徵，可說是暴龍的說明書。不過這本暴龍說明書仍有很多空白位置，作者只是拋磚引玉，希望有更多人入行做研究。1990年於南達科他州西部出土，編號為FMNH PR2081的暴龍化石Sue，是現今全球最完整的暴龍骸骨化石，如非芝加哥菲爾德自然史博物館在1997年以836萬美元天價購得化石，或者我們未必有這麼多機會去了解暴龍的過去。首先，從頭骨說起。暴龍頭骨從上面看來呈T字型，前窄後闊，其眼窩大、雙眼向前相信有立體視覺；暴龍的嗅覺與聽覺相信也相當發達——因為腦部等軟組織難以保存，我們只能靠骨上的洞孔大小、位置估計——令其可在日夜都時刻感知到附近有甚麼獵物或危險。當然少不了要提暴龍的咬合力與牙齒，暴龍的咬合力遠超其他獸腳類恐龍，其下顎前方形狀也與其他肉食恐龍不同，是呈U字型的，因此每次咬合撕咬的肉會比V型的多。可是，這樣也會令牙齒所承受的壓力增多，所以暴龍的牙根長度比牙冠長一倍，令其較為穩固。不過，暴龍跟鯊魚一樣仍然需要經常換牙，只是你永遠都不會見到暴龍的牙齒是雪白完整的。正如上述所說，軟組織難以保存，我們現時仍不能確定暴龍會否如人一樣有口唇。然而，從現代其中一種恐龍近親後代的鱷魚可見，暴龍很大機會是無唇，整個頭部也是鱗片並延伸至嘴部，牠們長時間都露出牙齒，在獵食時更為有利。說到鱗片，很多人以為恐龍全身都由鱗片覆蓋，就連考古學界也曾不相信恐龍會有羽毛，但近年越來越多考古證據顯示，恐龍是雀鳥的遠祖，已演化出羽毛結構，暴龍極可能在身上大部份位置都有羽毛保暖、讓身體的酵素在最佳溫度下運作，穩定代謝率。與身體相比，暴龍的前肢非常短小，不少漫畫取笑暴龍前肢無用，但暴龍手肘關節有一定程度的旋轉動作，加上骨頭大、有厚實肌肉，學者相信暴龍可用之快速抓實掙扎中的獵物。很多人都有興趣知道暴龍的繁殖，從多個不同恐龍品種包括暴龍的化石顯示，恐龍在未完全成熟時已生兒育女，其骨會變成骨髓骨（medullary bone），將鈣融入血管中，用以製造新生恐龍的蛋殼。這種盡快生育的策略，能將基因更快傳到下一代。可惜的是，即使如暴龍這種地球霸者也敵不過隕石與火山大爆發。小肥波
來源:
http://hk.apple.nextmedia.com/financeestate/art/20171022/20190685
智取大市：暴龍級別好消息？
1 :
GS(14)@2018-01-15 03:10:3012連升破紀錄，最重要係知道當中意義，點解咁強。上一期講到港股出現長線圖表訊號，9個月RSI明顯升越80超買水平，過往50年次次出現呢個訊號，之後都仲有大升市。老實講太長線嘅事情有幾多人能說得準，絕唔係一個圖表就看透世事，之但係，面前基本因素形勢有幾利好，投資者可能都要知道。最重要睇經濟周期，近期上市公司好消息不斷，茅台狂加價18%，雪花啤酒、青啤加價半成至一成；去到連唔少人長期睇淡嘅石油業，宏華（196）接一張外國大訂單佔2016年全年收入三分之一；運動用品股由摺舖變為淨開舖……實體經濟復蘇訊號從四方八面殺埋身，係咪虛火？小弟覺得唔係，就算係，資金亦有條件當真復蘇去炒，炒到係人都信為止，到時港股都可以去到一個大家未必預計得到嘅高度。最好笑係，自己完全只係從股市上感受呢一片歌舞昇平嘅氣氛，日常生活完全feel唔到，究竟係小弟身處傳媒行業太過糟糕？定係香港經濟跟唔上其他地方？實在搞唔清。之所以，而家絕對係炒梗一個若隱若現嘅上升周期，咁樣仲好，估值未夠高，起碼仲有幻想空間。另外，有一個大家未必聯想得到係非常利好嘅消息，就係H股全流通試點將會出台，點解？雖然話H股全流通會令港股產生價值2.6萬億嘅新股票供應，理論上股市應該大大不利，但潛台詞係，中央覺得呢個時間推出大增股票供應嘅政策都冇有怕，完全唔驚新增股票供應會令市場下跌，反映中央對現階段港股非常之咁有信心。回顧中央以前做類似嘅事，2005年股權分置推出，之後港股一樣升到嘭嘭聲。晉佳
https://www.facebook.com/advanceguy1/
來源:
https://hk.finance.appledaily.co ... e/20180111/20270693
Next Page