📖 ZKIZ Archives

建設香港 左丁山

2011-12-30  AD

聖誕假期眨眼已過，呢輪香港旺到不得了，雖然話有大量市民外遊，但本港商場無處不爆滿，食肆插針不入，莫講話大酒店，著名有星餐廳嘞，街頭巷尾都一樣，藝 術 B在拆禮物日以為冇乜人出城，駕車到銅鑼灣，發覺寸步難行，急忙轉往灣仔。到咗春園街叫老婆落車買蛋撻，點知「金鳳」外面條人龍有一條街咁長，幸好另外有 一條隊係輪外賣嘅，比較短一啲，買咗熱蛋撻就企在車旁吃落肚，夠晒街坊款。
那邊廂惡佬明以為郊外少啲人，揸車到元朗，哎吔，熱鬧如市區，成條街都 係遊人，周圍冇位泊車，唯有走人，轉頭去雙魚河馬會食雪糕。惡佬明話：「香港呢個城市生機蓬勃，旺氣騰騰，橫睇掂睇都睇唔到 This City is Dying。 Joe Junior隨口噏，唔好當係秘笈！」
社會上總有悲觀派。悲觀人士，自己睇唔到前景，就以為其他人同樣沒希望，呢類睇法，錯到離譜，幸好大部份香港人都係勤奮自強，懂得克服困難，掙扎向上嘅，唔係坐響度等派米嘅伸手派，香港目前有唔少機會，年青人唔好坐視不理呀。
左 丁山經常在此鼓吹經濟發展，加緊建設香港，就如拆政府合署西翼，拆中環街市，建港珠澳大橋、第三條機場跑道等等，有人以為左丁山真市儈，夠銅臭，不理會甚 麼文化保育環保，任佢地點樣講啦，其實建設香港與否，左丁山不大在乎，反正自己對生活已無大需求。但下一代人、八十後、九十後佢地需要工作，需要向上爬嘅 機會，需要新硬件，需要新環境嘅啫，如果香港乜都唔搞，硬件停留在 2011，起醫院但冇醫生，起高樓話不環保，起大樓話阻礙某些居民景觀，起焚化爐話傷害稀有動植物……總之凡係建設新東西都有人及區議員走出嚟反對，阻 延，往往祭出環保/保育/文化回憶/等大旗，香港實會俾新加坡拋在後頭啦，香港啲住宅與寫字樓一定愈來愈昂貴，最終令大公司盡量搬去新加坡，香港大學畢業 生要向外地搵工，左丁山心為之危，寧願俾人話市儈都要繼續鼓吹建設香港。

PermaLink: https://articles.zkiz.com/?id=30280
Next Page
ZKIZ Archives @ 2019