張累餐廳生意減半商戶要求政府補貼損失
1 :
GS(14)@2016-05-21 17:54:40■張德江訪港封路措施擾民，灣仔一西餐廳指每日下午茶生意損失約2,000元。何頴賢攝
【本報訊】全國人大委員長張德江訪港3日，全港多處猶如「戒嚴」，張德江入住的灣仔區更被列為核心保安區，四周泊滿警車、警員遍佈橫街窄巷，保安極度嚴密。3日訪港行程，張德江為灣仔區商戶及打工仔送上「大禮」，有商戶直言，張德江訪港期間生意大跌一半，直言「最好唔好嚟啦」；有商戶更要求政府補貼商戶損失。一眾打工仔更因封路遲到，狂轟張德江訪港之行極度擾民。記者：譚靜雯 余錦洪在謝斐道經營茶餐廳的負責人慨嘆，張德江訪港期間，每日生意最少跌兩成，「梗係有影響啦，平日會展、稅務大樓都會有人叫外賣，呢兩日都冇晒。」她希望政府補貼兩日來損失，「呢兩日生意冇咗邊個負責？最好政府補貼啦！我哋都係做生意箒」。同樣在灣仔謝斐道開設西餐廳的梁經理表示，張德江訪港3日，生意大減一半，當中以下午茶時段最受影響，「下午餐附近返工啲打工仔都會嚟食嘢，頭兩日生意幾乎係零」。他估計，每日下午茶損失約2,000元，「每日都要交租，最好梗係唔好嚟啦！」
■在灣仔謝斐道開設西餐廳的梁經理。
警fb謝諒解 網民：呢啲叫硬食
商戶叫苦連天，張德江不斷進出灣仔，更嚴重影響在灣仔上班的打工仔。家住太古城的曾先生昨早上班時，因張德江出行而遲到，他稱張德江車隊在灣仔經東隧到將軍澳，其間令東區走廊大塞車，「本來已經早咗30分鐘出門口，點知都係遲少少」。藝人邵仲衡也斥張德江訪港之行擾民，「佢訪港第一日，我太太喺港灣道返工，路封咗，連車位都封埋，搞到要鷹君中心泊day park，唔係錢嘅問題，係擾民嘅問題」。張德江昨午離開香港，警方隨即將被佈置成「巨型迷宮」的保安區回復原狀，包括將放置在港灣道、中環廣場外的水馬放水，但去水速度緩慢，行人路、馬路輕微水浸。警方昨日在facebook專頁撰文指「所有受影響道路現已解封」，又稱「警方衷心感謝所有參與行動的警務人員，積極作出配合的各方持份者，以及每一位市民給予的支持及諒解」。不過，帖文發佈約9小時後，已有逾1.1萬人表達「嬲嬲」心情，批評面對擾民措施市民根本無選擇餘地，有人形容是「香港停轉日」，有網民留言指「難聽過粗口」、「呢啲叫硬食，邊個體諒呀」。有人諷刺地指，「今次有時間同金錢損失，我哋係咪可以向警方追究責任同追討損失？」
來源:
http://hk.apple.nextmedia.com/news/art/20160520/19620185