鳳德邨劏房王呎價叫1.37萬
1 :
GS(14)@2016-03-30 14:12:32■放售單位基本上一眼睇晒，空間有限。 朱永倫攝
【記者直擊】樓價下跌，公屋已逾半年未有「公屋王」誕生。本報直擊鑽石山鳳德邨146方呎「劏房王」，叫價200萬元料平絕東九龍，除開呎價「嚇死街坊」，公屋呎價達13,699元比太古城更貴，逆市挑戰全港最貴公屋。現時全港五大呎價最貴公屋，全為鳳德邨俗稱「劏房」的開放式公屋，全部不足200方呎。
■鳳德邨堪稱市區公屋王，鄰近鑽石山港鐵站。
挑戰公屋呎價最貴紀錄
富誠陳錫金稱，鳳德邨劏房目前僅唯一放盤，為紫鳳樓極高層6室，146方呎，於自由市場叫價200萬元，呎價13,699元，一旦以此價成交，將打破同屋苑黛鳳樓中層20A室，面積140方呎，於去年以188萬元易手，呎價高達13,429元的全港公屋呎價最貴紀錄。整體樓價已較去年高位跌逾一成，不少市區屋苑呎價已跌穿1萬元，公屋仍嗌天價。太古城近期錄得的成交呎價不少均低於1.3萬元，最平見1.1萬元。陳錫金指「200萬係難啲，但落到190萬左右應該走到」，但「兩球」買到市區樓，料平絕東九龍。陳錫金續稱，這類面積最小的開放式公屋，屬早期公屋「長者屋」。以是次放售的公屋為例，業主是百歲人瑞老婆婆，「佢個仔都逾60歲」。99年以現金8.51萬元買入，一人自住多年。但因年紀大已入住老人院，幾個月前已搬出單位，由其兒子代為放售物業。本報直擊該劏房公屋王，屬開放式，入屋後一眼「睇晒」，但有獨立廚房及廁所。廁所約16呎，廚房約13呎。代理形容此開則已算是公屋劏房中的「則王」，除了沒有走廊位，「客廳叫做有個窗，感覺光猛」。鳳德邨黛鳳樓中層20A室，實用140方呎，去年11月連地價以188萬元易手，呎價13,429元，是目前全港呎價最貴公屋，由投資者買入，本月成功租出，月租7,000元，呎租達50元。本報記者日前由鑽石山港鐵站偏慢步速下步行往屋苑，不足6分鐘便可到紫鳳樓。
■周先生
【市民意見】
周先生：「樓市仍然係畸形，係貴得畸形，即使而家跌咗少少，但都係好貴。覺得200萬應該買到500呎市區樓，咁先叫合理。」
■全先生
全先生：「現時樓價仲係貴，用近200萬買公屋唔抵，月租7,000蚊都係唔合理，一定唔會考慮，2、3百萬樓，起碼都要有3、4百呎。」
來源:
http://hk.apple.nextmedia.com/financeestate/art/20160330/19549773