【強．寒流】香港落雪 多謝大陸
1 :
GS(14)@2016-01-20 17:50:16唔知係唔係見到李波被失蹤、桂民海被自首，美國、日本呢啲外國勢力先後預測，香港今個星期日會落雪！港方當然不容外國人喺度胡說八道，急急嚴正聲明，呢個係西方數值嘅問題，GFS、NCEP等預報模式嚴重高估北大風對香港嘅影響，在一國兩制底下，港方自有一套更適合更準確的標準預測天氣，市民無須興奮。想落雪，到底需要咩條件？四個字：零下，潮濕。首先地面氣溫要接近攝氏零度(0-4度也可以)，否則雪花未降已成雨。其次，空氣中要有足夠水氣在空中凝結成雪花，達足夠重量才能降雪。香港天文台預測本週末將有一道來自大陸的冷鋒抵達，氣溫會急降至9度以下，新界地區會低2-3度，相對濕度最低只有55%。照計數，如果會落雪最有可能都係發生在大帽山頂，夜間或清晨氣溫有機會在零下，而據記錄，香港對上一次降雪在1975年，亦是發生在大帽山頂。不過，天文台天氣預測只基於客觀氣象數字，當中並無政治考慮，更沒有計算冤情對氣象的影響。今日香港，落雪，還是有可能。記者：曾冠輝
來源:
http://hk.apple.nextmedia.com/su ... t/20160120/19458590