近3000集《康熙來了》收視第一係邊個？
1 :
GS(14)@2015-10-19 07:35:05蔡康永同小S(徐熙娣)前日先後喺網上留言，稱辭演《康熙來了》，話晒主持近12年，主持近3,000集，觀眾睇開有感情㗎嘛!當年奀星上《康熙》隨時爆紅，就連天王巨星都上過《康熙》慘被逼供，就係勝在主持好有默契，帶出唔少超爆話題!《康熙》自2004年開始播出，當中《康熙》最高收視係台灣天后蔡依林同羅志祥（小豬）喺2005年一齊上節目，講起佢哋經歷事業低潮，培養出兄妹般嘅友誼，創下1.74%嘅收視成績；第2高收視，就係蔡康永同小S喺2005年專訪蔣家第三代長子蔣友柏，台灣傳媒指係因為蔣家有顯赫嘅家族歷史，蔣友柏當年外貌出眾，出眾嘅外型，加上顯赫的家族歷史，引起觀眾好奇，拿到1.72%嘅收視率。《康熙》節目歷年收視率排名第3高嘅就係…黃子佼同小S關係破冰，喺節目演「世紀大和解」，就有成1.71%嘅收視。另外，台灣可愛教主楊丞琳於微博回憶起「可愛教主」呢個稱號都係上完《康熙》先一直被人咁嗌，留言：「第一次上康熙時(疑似是2005年)，忘了甚麼原因而和小S比拼娃娃音，所以被節目封為「可愛教主」！雖然這名字到現在還無法完全的擺脫，但非常感謝康熙來了讓大家對我的印象更深刻～期待你們用不同的形式帶給觀眾更多歡樂喔!」
來源:
http://hk.apple.nextmedia.com/entertainment/art/20151018/19337965