創辦人：都唔係打老人家
1 :
GS(14)@2015-05-27 08:23:45【本報訊】劍橋護老院被報道有員工脫光長者衣服露天等洗澡後，即炒一名負責為長者洗澡的員工，被指是找替死鬼。創辦人陸艾齡接受查詢時辯稱，「佢唔值得炒咩唔通？都唔算係『祭旗』，佢真係罪魁禍首」。她認為不應被釘牌，因今次事件嚴重性較低，「都唔係打個老人家」。陸艾齡指，被解僱的員工負責為長者洗澡；其他員工只是協助他，「唔係其他人冇事，而係罪過冇咁大」。她稱昨透過電話向該員工了解，「佢自己都解釋唔到，唔係唔知，係心知肚明，總之佢就冇得原諒」。
解僱員工被轟找替死鬼
對於社署指不排除會吊銷該院舍牌照，陸反駁指以往有安老院發生打長者事件，今次事件嚴重性較低，「冇理由，犯事唔係我哋個院，係佢本人。如果我哋教佢咁做，係我哋唔啱」。據悉，該護老院收費約1萬多元，較市價便宜約四成。防止虐待長者協會助理總幹事林文超狠批，劍橋解僱員工只找替死鬼，「唔只一個員工幫手沖澡」。■記者陳凱迎、陳沛冰
創辦人陸艾齡回應
「就算嗰個係我個仔（指被炒員工），我生佢出嚟，有時佢有呢啲行為（我）都匪夷所思，公司唔係冇教你，佢自己都解釋唔到。」「我覺得冇咁嘅可能（被吊銷牌照），都試過好多Case，都有（院舍）試過笠屎片落個老人家塊面，我哋都唔係打個老人家，犯事唔係我哋個院，係佢本人。」資料來源：陸艾齡電話訪問
來源:
http://hk.apple.nextmedia.com/news/art/20150527/19162223