炒股「贏幾百萬」 被笑到面黃 周顯
1 :
GS(14)@2015-05-04 12:29:54http://www.mpfinance.com/htm/fin ... mnist/en30_en30.htm
【明報專訊】近日發生在我身上最瘀的事，莫過於某份雜誌報道，我和幾個朋友仔炒股票賺了幾百萬元，賣股票套現搞報紙，結果就是整個中環的朋友都取笑我，揶揄我在這一個大浪之中，居然贏得幾百萬元咁大把，笑到我面都黃晒！
唉！個情下，唔通我練過如來神掌，又講畀你知咩！所以呢，這世界上，除了有lost in translation之外，還有lost in reporting，我說炒股票贏了，所以拿幾百萬出來搞報紙，點知在報道之下，可以變成炒股票贏了幾百萬，要賣股票來搞報紙，真的是吹脹！
前兩天，有人問我，有什麼心水股票，我衝口而出﹕「標準資源(0091)啦！」
那人不屑地說﹕「！你成日推這股票，但上次都唔中，似乎你的祝福是kiss of death多喎。」
我瞇眼對他說﹕「記得在兩年前，我貼親的股票，幾乎隻隻都輸，輸到跳樓都唔掂，但是，在去年，不知發什麼神經，居然貼親隻隻都中，而且好多一升就是幾倍，真是人有三衰六旺，上次唔靈，是事實，但可能今次靈呢？」 其實「標準資源」這隻股票都好好，我咁耐無沽，都算是賺到幾倍利潤，家距離高位，都只是調整三成，如果長期炒這股票，都應該可以賺唔少呀，像我，0.12元至0.14元入的幾千萬股，由此至終沒有沽出過，0.3元和0.4元之間買的小量股票，則高沽低，利潤是20%左右，都叫做次次賺錢，利潤不錯，好似機咁，所以說，如果多幾隻這樣的股票，我好快就可以買遊艇了！
[周顯 投資二三事]