http://blog.yahoo.com/_IRRMPRNNPACUOC3ZNGHSWJPXME/articles/107279/index
昨日因為美股下跌，再加上國內資金短絀，國內上證指數跌足2%，恆指一樣要跌三百多點，跌 穿萬八點水平，內險孖寶更要超跌，最近香港股市波幅大於外圍與國內股市，主要是衍生工具泛濫之結果。今個星期，香港窩輪與牛熊證之成交金額，已經佔大市總 成交量4成有多，在大市成交量不足的市況下，可見炒賣衍生工具這種賭博風氣是如何劇烈，以往散戶炒賣中細價股較多，但自本年6月開始，各類中細價股慘被大 戶洗倉，令散戶嚴重損手，於是散戶又轉向炒賣更高風險的窩輪與牛熊證。
疊碼仔與一眾財經打手會同你講，買「輪證」好處多多，可買升，也可 以買跌，個市是好是淡都可以買，而且又有「以小博大」之優勢，贏錢可以用倍數計，但輸錢只限於下注本金，輪商利用散戶貪婪的心理，又將「輪證」包裝成為投 資產品，誤導散戶參與衍生工具買賣，正如開賭場做莊，大賺特賺。其實散戶買入輪證都要付出高昂溢價，輪商在賣出輪證之時，已經同時買入正股作套利，穩賺輪 證與正股之間的差價，散戶之嬴面基本上遠低於50/50，正如賭大細，買圍骰1賠24，但根據或然率，贏面只有36分之1，平均來計，如果賭仔下注36 舖，賭場莊家就會贏足12舖，炒賣輪證與賭博一樣，長玩必輸，對大部份無知散戶來講，應該拒絕參與投機炒賣，遠離衍生工具。賭仔必勝訣曰:「不賭是贏 錢。」