無綫阻賺人仔 法拉未拍過內地劇
1 :
GS(14)@2013-10-29 01:20:40http://hk.apple.nextmedia.com/entertainment/art/20131028/18482091
陳法拉、馬國明和何傲芝及何傲兒姊妹等，昨日出席東方錶行於沙田馬場舉行的活動，法拉身穿藍色露背大傘裙與何傲兒開衩露長腿，同樣來得性感。
法拉約滿無綫，未有透露新動向，問到多人向她招手，法拉說：「遲少少知，都好多前輩欣賞，大家傾偈希望我有唔同發展。」對於無綫要求收緊一線藝人在內地拍劇新政策，法拉認同：「TVB始終係我娘家，喺TVB拍劇會以佢哋為先，佢哋多藝員，畀啲新配搭大家，有啲返內地一段時間，返嚟都畀到新鮮感，都係好事，證明香港藝人喺內地吃香。」
問法拉會否因此而不會簽無綫，她說：「唔關事，喺TVB咁多年冇拍過內地劇，最緊要睇角色啱自己，喺TVB做過好多角色，儲咗經驗，冇衝突。」
馬明唔敢攀成龍
馬國明則笑言等了很久才有機會返內地拍劇：「不過會以公司工作為先，如果去晒咪冇人拍戲。」對於有雜誌指他是新筍盤，在內地拍劇惹來不少桃花，他說：「吓，前面仲有好多人未結婚，TVB專出筍盤，個報道得啖笑，話我跟成龍搵食，未有資格，想像美麗，現實殘酷，好多劇中女演員來自上海、北京，冇佢哋電話。」
馬明續說：「內地女仔要求高，喺佢哋心目中冇資格，佢哋靚，身材好，雨書（前名陳開心）最慘，喺劇中係一對，最多接觸。」
採訪：盧妹
攝影：黃偉雄