豪言大志：毒家產 曾志豪
1 :
GS(14)@2013-07-09 09:22:43http://www.sharpdaily.hk/article/sup/20130709/210637
華懋集團的這份財產，不是普通的家產，首先是「獨家產」，個個都想獨吞，由王廷歆到陳振聰甚至最近龔仁心也要就財產的擁有權要和政府打官司。人人爭獨家，不愧「獨家產」之名。這又是一份「毒家產」，家產有毒，王德輝是第一個受害人，兩度被綁架，最終不知所蹤，法律上被判死亡，會否其實仍在人世？小甜甜也中了毒，首先失去丈夫，其後要和家翁打官司，然後身患癌症，官司打完，兩年後便身故，家翁也於2010年去世。
如果你明知辛辛苦苦贏了家產，但兩年後便要撒手人寰，你還會爭嗎？迷信角度，如唔爭家產會否便能多活幾年？就像十三么個個都說邪牌食咗會行衰運；但天下又有哪個賭仔見到十三么會唔食？
振聰便是要搶食十三么的唔信邪賭徒，本來好地地，做小甜甜無名份的浪漫情人，坐擁三十億身家。就像成手靚牌，小甜甜出銃打隻西，歸西個西，慈善基金食糊，振聰雖然無糊食，但絕對唔使賠錢，根本無得輸。偏偏見人哋食十三么食得咁開心，唔抵得，竟然玩搶食，同人爭隻西！
可惜自己根本唔係食番子，結果食唔出，仲要賠詐糊錢！這絕對是家產有毒作怪。BTW，振聰點解食唔到隻西？因為佢唔係做番子唔係做萬子唔係做筒子唔係做索子，而係做，騙子。
專欄電郵：mailto:
[email protected]