講膠所手記：香港學生嘅大時代
1 :
GS(14)@2012-09-04 10:47:40http://www.sharpdaily.hk/article/fin/20120904/130063
噚日，係香港學生嘅大時代，無論你係幾多歲，只要你係喺香港讀書、成長嘅地道香港人，相信冇人諗過開學日，會係黑色嘅，仲要係去政府總部開學（分分鐘仲要係長期抗戰），香港，真係越嚟越不可思議。或者你會話，YY寫財經嘅，反洗腦反國民教育關財經版乜嘢事呀？Well，梗關事啦，就當YY係一個市儈之徒，若干年後，唔計強國輸入嘅所謂優才，香港就係由呢班新生代接棒，但個政府只係不斷咁逼啲學生去為自己爭取應有嘅權利，成日要去示威、絕食，仲邊有心機專注讀書呀？第時點搵份好啲嘅職業呀？咁香港仲出到啲乜嘢人才呀？個社會點進步呀？
識得反抗歪理、唔肯妥協、文明有禮咁表達不滿，證明香港嘅學生堅係有腦㗎，所以，梁振英，唔好咁殘忍對香港嘅新生代喇！
YY