講膠所手記：盂蘭節睇樓奇聞
1 :
GS(14)@2012-08-30 11:21:41http://www.sharpdaily.hk/article ... 3%E5%A5%87%E8%81%9E
地產新聞每日除了破頂，還是破頂，悶到抽筋，於是幾個星期前，YY諗住整番個農曆七月凶宅特輯，講嚇market有乜凶宅、鬼節睇樓買樓有乜禁忌，結果，冇人肯講盂蘭節呢個topic；有兩個就老實嘞，話講咗出嚟冇人睇樓架嘛，點講呢？
咁，等YY講自己嘅見聞喇！某年，女經紀帶睇樓，上單位前佢講明自己應該開唔到門，但冇解釋，結果真係開唔到，佢二話不說將條匙交俾YY個剛陽味好重嘅男性長輩，一擰就開到，嗰一刻大家靜曬，即刻閂番門走人。
據聞個單位原業主係一對老夫妻，佢哋過咗身後，仔女將間屋放盤，但呢間屋，到o依家都未賣得出。
另一單係YY個親戚，10幾年前去睇樓，入到屋嘅時候，佢見神檯上有本passport，手多拎嚟睇之餘，仲口多話相中人樣衰。
結果，passport嘅持有人就跟足佢咁多年，直到o依家都未搞得掂呀……係咪好驚呢？
YY