純官會景閣午睡
2015-06-11 NM
新世界主席純官深懂養生之道，喺佢寫字樓有間休歇房可以午睡，叉叉電 ；小宗本週一下晝兩點半左右，就喺佢地頭灣仔會景閣，撞正「飯氣攻心」嘅純官；估計要上樓午睡片刻。咦，佢位紅顏知己王穎妤報住地址都係會景閣喎，兩個打通嘅單位三年前由兩間BVI公司合共兩千幾萬向新世界買入，無須按揭o架。
其實王穎妤個竇都喺灣仔，近幾年熱衷玩藝術，連打扮衣著都好似嬉皮士咁，喺會展商場ARTONE搞藝廊、紅酒生意，公司名真有意思，叫JP Gallery、JP Wine，聽講JP係王小姐位公子嘅英文名，用個慈姑椗作「牌頭」開公司，相信一定水到渠成。觀乎JP Gallery Limited的中文名「慈有限公司」，都甚有玄機。
土豪邊個無「原罪」
游走於中港台併購、私募投資的金融多棲動物，現為多間上市公司主要股東及董事本週最大新聞，是近兩個月內，狂升十多倍至四百多億市值的數字王國大股東車峰被抓。兩三天就暴跌了75%，瞬間股民與這位隱形巨富，同時經歷了冰火兩重天。車峰人稱「豬哥」（國語「車」讀音為「豬」），平頭裝高大威武，一身T恤平民服，腳踩着一對布鞋，已成為佢嘅signature。雖出入私人飛機，講飲講食也只會收埋喺銅鑼灣私人會所，行徑異常低調。逍遙客偶而在朋友酒局中與他交流，豬哥總是客客氣氣，並無港人眼中強國土豪的氣焰。自平安保險大賺百億一役，豬哥將基地轉移香港，在IFC成立基金平台，曾幾何時與肥女股神交集甚深。論投資經驗和風格，豬哥算是紮實，就算數字王國也是收購全球領先特技動畫公司digital domain而來，當今《阿凡達》、《盜夢空間》等荷李活大片，無一不出自digital domain，並首創將鄧麗君復活的演唱會在台灣引起轟動。最近逍遙客「靜靜雞」試埋佢哋來自國防科技的360度攝影神器。戴上模擬實境的特製眼鏡，睇住NBA球賽，猶如置身現場，產品的確大有想像空間。近月連《華爾街日報》也大篇幅報導豬哥家族受查。咁有智慧的豬哥也會冒險回國，聽起來的確令人不解。這個年頭，很多紅二代和企業家都富甲一方，但好少冇背着「原罪」。所謂福禍相依，在習大大認真辦事的今天，真係邊個都唔敢話自己百分百安全，對比起來，香港仍是一片生意淨土，大家應好好珍惜喇！
中環寸嘴
工廈大王楊耀松長子，是各大有名食肆之VIP，喜歡研究城中富豪對食之要求，透過美酒佳餚，來細味人生百態。
侍酒師功力早兩個禮拜去九龍站102樓Tosca飲下午茶，隔籬天龍軒個Sommelier（侍酒師）Benson撲來同我打招呼，話淨係想見吓我一面，真抵死！唔知嘅以為我斷背添呀。呢啲喺舊文華做過十幾廿年嘅人，級數係唔同啲，佢招呼過戴安娜同戴卓爾夫人o架。睇吓人哋魅力，張國榮跳樓前都同佢打個招呼，有次利孝和夫人喺文華落樓梯差啲跌親，好在佢撲上前做人肉地氈咋，嗱，呢啲就係貼身招呼啦！福臨門啲茶居要學吓。今次即管去天龍軒幫襯吓囉，咁啱個廚用1998 Chateau Montrose紅酒設計咗套餐，包埋支酒，個餐每位$1,388，我三條友食，支酒都值三千銀啦，咁樣成支酒都賺返來啦，正所謂，口中冇數，心中有數！咁就開多支白酒啦，個衰鬼介紹我飲支liquid gold Chassagne-Montrachet Vieilles Vignes 2008，仲講埋古仔我聽，話呢支酒啲提子來自15年老葡萄樹，夠成熟，啲根生落較深泥土，味道濃好多，顏色仲似黃金！做食肆，Sommelier好緊要，係酒水先賺到錢o架。鬼唔知自己帶酒去好過喺度叫咩，Sommelier識得神化支嘢，跟佢學吓嘢，當交學費都要啦。
盛世佳人
透過亞視製作嘅《感動香港》，王征認識到華懋慈善基金董事龔中心（Molly），王征最心儀嘅亞視買家就係華懋，只是Molly姐有心無力，華懋慈善基金只係家姐龔如心的遺產信託人而唔係受益人，Molly遂介紹其他潛在買家予在WeChat以「盛世佳人」為名字的王征。
金牙大狀講嘢
萬惡樓為首香港人早有樓奴之稱，新近有關婚外情之研究又顯示，層樓更加累到唔少人婚姻破裂。何以故？負責研究之郭志英指出「唔少港人為咗『買樓上車』而延遲結婚」，其間感情不難轉淡；加上工時長，夫妻缺乏溝通機會，同事或朋友反而成為傾訴對象。慢吓手，咁就搞出婚外情矣。果如此，無論係為咗促進家庭或社會和諧，官家實大條道路辣招頻出，打擊樓市。只可惜愈係出招，樓價愈升，後果之一肯肯定令人愈來愈遲婚、愈來愈多婚外情。萬惡以樓為首，釜底抽薪，莫非係將所有嘅樓國有化，等啲人從此冇得炒？真係咁做，啲人又肯唔肯過你呢，又？
精裝筍盤：灣仔會景閣廳房賞中區海景
1 :
GS(14)@2016-03-06 02:24:52■單位正望中區海景，惟前方地盤影響觀感。
灣仔香港會議展覽中心附近商業味濃，其實當中包括一幢服務式住宅會景閣，座落五星級酒店旁、富豪私人會所樓上，屬早期灣仔區海旁豪宅。物業大部份單位由長線投資者持有，租務市場表現穩定，即使近年區內貴價新廈陸續落成，部份客源被分散，會景閣的獨特環境及景觀質素，仍然有心頭好租客支持。記者：伍志輝攝影：黃耀興
會景閣早於1989年落成，由於以服務式住宅形式發展，存在面積大房間少的間隔特性，甚至出現細單位房間數量多過大單位的情況，以實用面積計，400餘方呎單位屬開放式，500餘至1,000餘方呎間隔一房，900餘至1,100餘方呎為兩房間隔，三房單位面積超過1,200方呎。
感覺置身都會中心區
物業每層最多有20伙，分佈曲尺形長走廊旁，最優質景觀為正望香港會議展覽中心新翼、享維港兩岸景致的1至4室，以及眺望中區海景的11至16室，17至20室以內園為側海景為主，5至10室望灣仔政府大樓玻璃幕牆。選擇入住會景閣的租客，正是鍾情那種面積大房間少所產生的偌大空間感，於是景觀就成為搵租盤的重要取決要素。介紹的中層15室屬於靚景之選，廳房一律正望中區海景，置身都會中心區的感覺濃烈，美中不足是海旁地盤工程進行中，暫時影響視野觀感。中原地產鄺紋鋒表示，現時間隔一房的15室只有兩個租盤，樓層相若、面積相同，叫租同為3.8萬元。同樣正望中區海景的16室屬於兩房單位，現時並無租盤。11至13室只可側望中區，14室僅睡房正望海景，景觀質素都不及15及16室。至於同類一房間隔望玻璃幕牆單位租金由3.5萬元起，內園及側海景一房單位由3.6萬元起，正望維港兩岸一房戶無租盤。成交方面，中層12室，一房間隔，側望中區海景，上月成交月租3.6萬元。
■長廳間隔寬敞，業主提供小量家具方便租客。
■房間與客廳差不多大，大床衣櫃賣相簇新。
■浴室面積比廚房更大，潔具新淨。
■飯廳無窗，特設牆鏡增加光亮感覺。
■廚房位處大門旁，提供主要電器爐具。
設健身室 附近多食肆
【配套設施】會景閣基座設有商務中心，並提供打掃清潔、洗衣及乾衣服務。康樂設施包括桑拿、健身室、泳池等，業主可付月費享用私人會所皇朝會設施，包括網球場、壁球場、桌球室、籃球場及餐廳等。物業設有月租停車場，由物業步行至港鐵灣仔站，需時5至8分鐘，附近告士打道上有多線巴士途經。物業毗鄰君悅酒店，有多間餐廳食肆，對面的瑞安中心有快餐店、酒樓及書店，香港會議展覽中心有食肆、精品店及銀行櫃員機，遠一點的鷹君中心、海港中心、華潤大廈、新鴻基中心等都有小型商場，日常購物及搵食則以灣仔站一帶選擇性較多。
■平面圖
會景閣中層15室叫租3.8萬元
建築面積：815方呎實用面積：617方呎實用率：76%間隔：1房2廳建築面積呎租：46.6元實用面積呎租：61.6元資料來源：中原威靈頓街分行電郵：mailto:
[email protected]
會景閣Convention Plaza Apartments【屋苑資料】
地址：灣仔港灣道1號落成：1989年發展商：新世界
■會景閣與君悅酒店為鄰，環境商業味濃。
■單位優點與缺點
來源:
http://hk.apple.nextmedia.com/financeestate/art/20160305/19516493
【搵屋指南】鴨脷洲深灣軒 享遊艇會景
1 :
GS(14)@2017-07-01 10:49:20■深灣遊艇會海景百看不厭，遠望南中國海擔桿島，視野廣遠。
鴨脷洲深灣軒大部份單位望海景或避風塘，景觀最有保障是第3座，可以完全避開前方兩組貴價新廈，向東南享無遮擋深灣遊艇會海景，樓層越高視野越遠，天朗氣清的日子更可遠眺南中國海擔桿島，細味風雲幻變。該座一個高層兩房全海景單位，屬現時罕有放盤，叫價1,125萬元。記者：伍志輝攝影：李家皓
深灣軒共建3座，第3座除最低層6樓外，戶戶設露台，加上單位浴室用料略佳，而且最近深灣遊艇會海景，素有樓王座別之稱。樓王座別的樓王單位為H室，亦是唯一附設工人套房的大碼三房戶，向東南享單邊深灣海景。屋苑細碼三房戶有兩款戶型，1座C室、2座C及H室屬三房連套房間隔，皆向東南望深灣海景，惟部份山海視野被前方新盤南灣及南區．左岸遮擋。3座G室為三房一廁間隔，屬單邊戶，向西北望石排灣之餘，睡房向東北望黃竹坑山景及部份遊艇會景觀。
■深灣軒3座大廈以第3座東南向海景視野最有保障。
■長廳區分清晰，家具擺位容易。
■睡房附有曲尺窗，外望遊艇會。
■廚房小窗可外望部份海景。
■浴室原裝設備保養企理。
內櫳企理 露台賞景
佔屋苑單位總數八成的兩房單位，向西北望石排灣及向東南望深灣皆有選擇，1及2座向東南兩房戶海景會被前方物業遮擋，只有3座東南向兩房戶景觀不變。世紀21嘉聯地產林泰和表示，物業放盤集中兩房單位，3座全海景兩房戶只有介紹的一個放盤，內櫳企理，客廳外連露台，賞景視野廣闊，睡房窗台外亦是全海景，就連廚房亦可以望部份海景。
兩房最平叫835萬
物業向東南兩房戶放盤叫價最平為2座高層B室，實用面積483方呎，享部份海景，開價900萬元。其他兩房放盤多屬向西北望石排灣，最平2座高層E室，實用面積488方呎，叫價835萬元，是目前物業起步價。三房放盤非常有限，3座中層H室，享全海景，實用面積732方呎，叫價1,850萬元。物業成交要追溯至3月份，2座高層B室，建築面積643方呎、實用面積483方呎，成交價892萬元。3月份樓王座別第3座亦錄得成交，中層G室，為三房一廁間隔，向西北望石排灣，建築面積769方呎、實用面積579方呎，成交價1,005萬元。
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/financeestate/art/20170701/20074479
Next Page