奄仔蟹水草佔重量近半
1 :
GS(14)@2012-08-23 13:03:32蟹價可以睇落平一半補番
http://hk.apple.nextmedia.com/news/art/20120823/16628415
經理堅稱無辜
事發後翌日，店舖已即時修改銷售程序，由「逐両計」改為按蟹的隻數、大小來計算售價，「咪儘量叫供應商畀啲差唔多 size我哋囉！食客都接受，我哋又冇賺少到！」范重申，事件實屬無辜。
被告為新斗記（佐敦）有限公司及當日負責秤蟹的店員黃海鋒，兩人原被票控違反《度量衡條例》中的「供應貨物的數量少於所宣稱的供應數量」（俗稱「呃秤」）的罪名。辯方指出，當日售賣過程是「明買明賣」，質疑控方以呃秤檢控的法律基礎。
官亦質疑理據
裁判官蘇文隆亦提出質疑，「買家喺秤嗰陣就知啲蟹用厚揼揼嘅水草紮住，咁何來有呃秤成份？」控方稍後改為票控罰則較輕的「貨物須按淨重量或淨度量供應」罪名，兩被告終認罪。
根據條例，任何人必須清楚標明貨物的淨重量，才可按重量出售經預先包裝的貨物。以此案而言，用鹹水草紮蟹即預先包裝，辯方指，現實中根本難以於蟹上面標明蟹的淨重量，被告因此誤墮法網。店員黃海鋒亦被罰款一千元。
案情指，去年12月15日，兩名海關人員放蛇以每両18元的價錢，外賣兩隻用鹹水草綁、共14両重的奄仔生蟹。海關人員付款252元後，即表明身份，並將蟹帶往政府化驗所檢驗，報告指該兩隻蟹的淨重量為7.23両，實質重量少了6.77両。