|
||||||
|
俗語話「18年 後又一條好漢」，不過，喺一日千里嘅偉大祖國，使乜等18年咁耐。09年由於「受賄罪」被判死刑，緩刑兩年執行嘅中石化（386）前董事長兼黨組書記陳同 海，據講已經冇事，唔單止唔使踎監，仲好風光咁返咗去中石化。有北京朋友同華華講，陳同海前排仲去咗勝利油田發表講話，訓示班下屬，話佢哋「官唔似官，商 唔似商」。 返中石化訓示下屬 當年有報道話，陳同海掌管中石化期間，使錢好似倒水咁，每月用120萬公款吃喝玩樂，畀監察部門「照肺」時，勁串嘴話：「這算甚麼，公司一年交稅款200多億，不會花錢，就不會賺錢。」唔通要學佢當年咁豪，先至似高官、似商人？ 一個被判死緩嘅官，可以大翻身，華華起初聽到都有啲半信半疑。不過，上個禮拜睇到「公共情婦」李薇獲釋單新聞，華華就相信陳同海單料應該都幾堅。 喺 內地有15位高官包養嘅女富豪李薇，有「公共情婦」嘅「美譽」，06年俾公安以逃稅為由拉咗。上個禮拜大陸傳媒話，李薇已經重獲自由，據聞由於配合當局調 查，所以資產大多有得留低。陳同海當年都有份包養李薇，北京朋友笑話，陳同海出咗嚟，自然會幫老相好一把。諗落又幾有道理。 李華華 |
||||||