ZKIZ Archives


大利來豬扒包攻中環金融客

1 : GS(14)@2012-08-17 11:30:46

http://hk.apple.nextmedia.com/news/art/20120817/16611695
只做外賣 冀九龍再開店
本報記者隨即到澳門向大利來記方面求證,負責人「五哥」陳健華確認有關消息,直言「擺花街間舖最快9至10月會開」。中環的新舖將會是大利來記在澳門以外的第一間分店,但舖位面積不大,只會做外賣生意。年底前,希望在九龍區再開多一間,將設堂食,估計投資額約200萬元。
大利來記新舖月租11萬元,以每個豬扒包零售價25元計算,平均每日賣最少147個包才可夠交租。但據記者昨日到澳門大三巴的大利來記分店視察,雖然是平日兼受天氣不穩定影響,但每天限量供應的1000個豬扒包,已在傍晚前沽清,生意不俗。陳健華透露,澳門氹仔及大三巴分店平均每日營業額近20萬元,料來港開舖不成問題。
港做踏腳石 下年闖中泰
「今次第一次喺澳門以外開分店,都係自己家族成員經營住先,試一試香港市場嘅反應」。陳健華指出,其實早已在港睇過3、4次舖,「本來打算喺旺角、銅鑼灣開先,但旺角啲舖唔係好啱心水,銅鑼灣間舖就喺落大定前,突然俾其他公司出高價搶咗!」
大利來記的豬扒包每天都限量供應,非假期時段約每天1000個,假期時段將加推至1200個或以上。據瞭解,香港經營的成本高,故豬扒包定價會較澳門的略貴,但不會差別太大。
雖然中環並非大利來記首選落腳點,但擺花街近來人氣急升,加上屬傳統商業區,料可吸引不少區內白領、各地遊客垂青。「點解嚟香港?因為不嬲都有好多香港 Fans特登過去澳門幫襯,相信香港好有市場」。
陳健華又指,如果生意理想,本港分店可能會用特許經營加盟模式擴充,因家族成員的人手難顧及全部分店。他更透露,將視香港為「踏腳石」,下年將會衝出中國進軍泰國,大利來記董事總經理陳嘉儀已到當地視察,未來亦部署到台灣及內地開舖。
記者訪問到大三巴分店惠顧的泰國旅客 Nirum Sirilapviboon,她指因在網上得悉大利來記豬扒包出名,故到大三巴時特意一試,認為味道不錯。如果明年泰國開分店,都會再幫襯回味。
2 : Wilbur(1931)@2012-08-17 11:42:08

由細食到大

不過2,3年前開始差左唔好食

宜家出左名,推d屎出黎d人都話好食...
3 : GS(14)@2012-08-17 12:02:28

呢個就是brand 的厲害
4 : 自動波人(1313)@2012-08-17 13:05:56

乾到不行
5 : 0o4(31752)@2012-08-17 18:16:02

澳門人係唔食
因為澳門好多咖啡室既豬扒包都好食過佢,唔明點解香港人會當係寶
仲有,佢地既咖哩魚蛋25蚊,,,,十粒都唔知有冇.....唉
6 : GS(14)@2012-08-17 22:26:37

5樓提及
澳門人係唔食
因為澳門好多咖啡室既豬扒包都好食過佢,唔明點解香港人會當係寶
仲有,佢地既咖哩魚蛋25蚊,,,,十粒都唔知有冇.....唉



好誇張,香港8蚊或者有6粒
大利 來豬 豬扒 扒包 包攻 中環 金融
PermaLink: https://articles.zkiz.com/?id=281069

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019