|
||||||
新一屆立法會開鑼，政黨大洗牌， 議會有唔少新臉孔，就連議會內最肥、最高、最矮嘅議員都大執位。上一屆最高嘅立法會議員，係身高六呎嘅自由黨方剛，不過今屆佢只能屈居第二！上星期四眾議 員企喺政總門外為南丫島死難者默哀，一望之下，嘩！漁農界、民建聯議員何俊賢一枝獨秀，高過身邊嘅馮檢基、葉國謙足足成個頭。原來呢位立法會新丁身高一米 九三、即有成六呎三吋半。 「民建賢」話，佢屋企人唔係特別高，但佢由中二、中三開始飆高，飆吓飆吓，就變成而家咁。佢同記者呻，咪以為高人一等好過癮，其實喺生活上都好唔方便，好 似買衫褲就好麻煩，啱長度又未必啱腰圍，所以好多時佢唯有度身訂做。佢話最慘係以前讀書時，啲枱櫈都唔係設計俾高人坐，所以坐到佢頂手頂腳，好唔舒服。而 家立法會啲座位雖然窄過以前，但點都會好過學校嗰啲枱櫈啩！至於今屆最矮嘅議員係邊個呢？民主黨五呎二吋的高達（李永達）今屆出局，相信佢黨友何俊仁會接 棒，事關仁哥身高唔夠五呎五吋，男人嚟講，已經算矮囉。最肥嘛？自稱二百三十磅（止唔止呀？）嘅金融服務界張華峰當之無愧！其實唔少議員都有大肚腩，但張 華峰「分量十足」，大肚腩達四十二吋（起碼報細四吋），佢咁嘅身形，應該係回歸以來，前無古人啦！唔怪得立法會初哥訓練班時，佢堅持唔肯試坐張櫈，莫非怕 坐唔落？（梁美寶、周展鴻） 唔使週一鑊周一嶽國慶舔雪糕 每逢國慶，高官們少不免要出席各類應酬活動，唔攰死都悶死。但係前食物及衞生局局長周一嶽喺呢個卸任後嘅第一個國慶，就過得非常快活喇！記者响國慶日撞到 佢同老婆行山頂，無官一身輕嘅佢，終於可以享受吓公眾假期同二人世界，同老婆拍住拖周圍行，响山頂睇住靚景食晏。食飽飽撩完牙之後，仲要歎番杯雪糕，仲要 係兩公婆食一杯，一人一啖咁，食得幾咁滋味，認真sweet又寫意！ 前高官就過得愜意，立法會議員又點呢？今屆首次當選立法會議員嘅田北辰田二少就選擇喺國慶日同朋友high tea。二少竟然唔係喺酒店歎下午茶，反而走咗去茶餐廳，之不過，佢去嘅係中環翠華餐廳，翠華出名貴，佢想洗脫公子形象，都係揀錯地方喇。（林璐菁） 湯家驊何秀蘭傾掂數撐枱腳 泛民主派同建制派呢排展開攻防戰，爭做立法會各個小組委員會嘅正副主席，其中內務委員會主席個位，已經係建制派囊中物，泛民只能爭做副主席，不過，呢個位 竟然都有三個人爭，分別係公民黨湯家驊、工黨何秀蘭同衞生服務界嘅李國麟。上個星期五，泛民一早開飯盒會講數，同一個晏晝，記者竟然撞到湯家驊同何秀蘭响 酒樓撐枱腳。點解兩個咁friend？原來佢哋自以為已經傾掂數，諗住响今屆立法會任期內，輪流做內會副主席，難怪要即刻食飯交流感情啦。不過呢個如意算 盤係咪打得響都成問題，事關建制派講到明一定唔准何秀蘭做內會副主席。究竟建制派點解咁憎何秀蘭，眾說紛紜，不過，記者就好記得，而家代表建制派同泛民協 調嘅葉國謙，就曾經响區選輸過俾何秀蘭囉。（周展鴻） | ||||||