港產低俗喜劇 KO媚共聽風者
1 :
GS(14)@2012-08-14 13:24:22http://hk.apple.nextmedia.com/entertainment/art/20120814/16601231
由彭浩翔導演的三級港產片《低俗喜劇》跟寫過《無間道》電影系列的編劇麥兆輝、莊文強共同執導的電影《聽風者》，上星期四同日在香港上映。截至前日為止上映4日，《低》片票房以701萬遠遠拋離梁朝偉和周迅主演、只收182萬的《聽》片。一套以粗口掛帥、800萬製作費不到，主要演員只有杜汶澤及幾頭騾仔的電影，足以打贏一套製作近過億港元的合拍片，刀仔不只可以鋸大樹，騾仔都贏了偉仔。
彭浩翔願減薪拍港片
《聽》片是改編自內地小說家麥家的小說《暗算》，他的另一本小說《風聲》早前亦曾改編成同名電影，同樣由周迅演出。《聽》片講述49年內地解放初期，中共情報機構監聽國民黨秘密電台，嚴防國民黨特務在搞破壞暗殺。不過有看過的觀眾及影評就覺得電影太過主旋律，過份迎合內地「敵我分明」的描述，更是一面倒維護中共，把國民黨完全妖魔化，有媚共之嫌。在近日香港家長全力反洗腦不要思想控制，不接受只唱好不唱壞的社會大氣候之下，《聽》片票房成績自然一般。相反講明不要內地市場，標榜不偽善，講另類題材的《低》片，罵出香港人心聲，粗口淋漓得令人痛快，成功證明純港式電影其實仍有支持者，反映出香港寧低俗都不肯接受附庸媚共的電影。不過《聽》片在內地依然有龐大支持，在內地上映6日，票房已有1.1億人民幣，預計埋單會有2億左右票房。
昨晚出席《低》片慶功宴的導演彭浩翔，接受電話訪問時表示，未想過觀眾反應如此熱烈，他說：「都有諗過有支持，但就冇諗過咁大，可能同近日嘅本土意識強咗，加埋國民教育爭議都有關，香港人想睇番多啲屬於香港人自己嘅嘢。今次都可以話畀啲投資者聽，唔係一定合拍片至有出路。」自言飲香港奶水大的彭浩翔表示，想拍港片的感覺很強烈，他說：「我唔抗拒拍合拍片，不過有老闆肯拍港片，我亦唔介意減一半導演費，今次好多演員都係拍膊頭演出，想話畀老闆知如你肯拍港片，好多人願意出力。」他笑言今次成功要多得《低》片的投資者肯放棄內地13億人口市場及香港18歲以下的觀眾。彭浩翔表示沒想過拍續集，但正構思用原班人馬再開類似癲喪題材的電影。
2 :
肥B(18468)@2012-08-14 13:41:16「......相反講明不要內地市場，標榜不偽善，講另類題材的《低》片，罵出香港人心聲，粗口淋漓得令人痛快，成功證明純港式電影其實仍有支持者，反映出香港寧低俗都不肯接受附庸媚共的電影。 」
咪講到自己咁偉大咁高尚先得架.....市場唔同, 要賺錢, 當然係要投其所好....
3 :
GS(14)@2012-08-14 13:46:39真是日日見廣告
4 :
肥B(18468)@2012-08-14 13:54:48呢排HIT呀嘛, 感覺而家有班人, 成日都標榜「香港XX」,「香港YY」, 將一D悠然而生的事物/感覺/行徑/做法/想法等等, 用歸類法 + 個好包裝的方法, 俾個TERMS 佢, 就把着這個「物體」, 做D煽風點火的事....