人在中環 - CK 底線 (2012年08月01日)
1 :
GS(14)@2012-08-01 10:10:59http://www.am730.com.hk/article.php?article=114896&d=1810
「你諗掂俾個仔讀傳統定國際學校未呀？」舊同學Joe在飯局裡面問我。
「未喎……」我答：「我個仔仲咁細，唔使諗住啦。你個女下年入小學啦喎，咁你諗掂未呀？」
「本來都仲十五十六，覺得國際學校學費太貴……」Joe搖了搖頭：「但自從『國民教育』呢單嘢出咗後，唔使諗啦，貴都要讀。我唔想個女俾人洗腦，大個咗之後，愛國家多過愛阿爸阿媽。」
飯局裡面的舊同學都笑了。我們這個年紀的「同學仔」，許多已為人父母了，也許是最後一批只顧搵錢的經濟動物。平日許多有關政治的課題，只要影響不了搵錢和生活，我們多少還是抱著「是但啦……」的態度。直至「國民教育」這件事，卻真真正正觸動我們的神經。也許是我的圈子太小吧，在我認識而又已為人父母的朋友中，似乎還未見過一個「支持」國民教育的。撇除所謂「政治目的」，我們這些做家長的就是想不明白，一個還未能夠分清是非黑白的小孩子，有何需要接受這種教育。
「走啦……」另一個同學Marcus忽然開腔：「香港咁落去唔掂呀。唔通你想自己啲仔女，響一個咁嘅教育環境裡面長大？我就諗住過兩年返澳洲啦。個仔過兩年就入小學，講真我真係好驚。」
我有時想，這個香港政府是否不停測試我們的底線？本來我們只是一班經濟動物，只要你「唔好搞我」，我其實會乖乖地做順民。但近年來，即使政治冷感如我這種銅臭商人都覺得被人「愈踩愈過」。到底容忍的「底線」會在哪裡？對於已為人父母的人來說，「搞到自己」也許還可以忍，但如「影響到子女」的事，大家是真的會跟你「死過」的。
周三、五刊登