ZKIZ Archives


【爆相爆片】搞續牌企正隔籬人妻洪欣唔認得林德信

1 : GS(14)@2016-10-19 05:28:46

【排隊等】■洪欣等候辦手續時,擰轉頭望了一望站附近嘅小朋友。



本月初45歲牛一嘅人妻洪欣,同31歲嘅林子祥囝囝、男神林德信唔同年代入行,兩人冇合作過,唔識真係唔出奇。所以日前佢哋同時喺金鐘嘅運輸署撞到,雖然企正隔籬,但大家招呼都冇打,視而不見。



【見唔到】■林德信(左)同洪欣企隔籬,但完全零交流。 

擦身而過

讀者鍾小姐透過本報「爆相爆片」,分享佢日前影到素顏嘅洪欣喺金鐘嘅運輸署搞續牌,佢同林德信只係有一個身位距離,但洪欣似乎認唔出呢位後輩,兩人完全零交流。鍾小姐話佢哋各自各喺度排隊等續牌,等咗一陣就輪到洪欣,但係唔知佢係咪有啲文件未準備好,所以轉個頭佢喺側邊密密填,跟住到林德信去窗口辦手續,不過洪欣仍然未搞掂,佢哋兩人最後只係擦身而過。當時洪欣身上條連身裙有啲縐,搞到佢個樣有啲攰,不過佢自從同現任丈夫張峰丹生咗囡囡張晞彤後,就專心湊女,有時又做柴可夫接送小朋友,續牌都好緊要㗎。




來源: http://hk.apple.nextmedia.com/entertainment/art/20161019/19804892
PermaLink: https://articles.zkiz.com/?id=312695

賭王17歲孻女超欣唔同晒着紐約人氣新牌鴛鴦恤衫裙

1 : GS(14)@2017-04-13 22:40:33

保良局前日在銅鑼灣舉行新一屆董事會就職禮,賭王四房公子何猷亨任今屆保良局總理,獲媽媽梁安琪與妹妹何超欣到場支持。快將18歲的超欣越大越見個人風格,不再只是穿少女風短裙、短褲,當日就以不對稱的條紋真絲色丁shirt dress現身,恤衫裙左右不同色,剪裁也不同,一邊是cold-shoulder及長身draping,另一邊則是經典恤衫cutting,設計特別、時尚度十足,簡單襯白波鞋、黑超,已經穿出有型知性美。這件shirt dress出自紐約新銳品牌Monse,是由Oscar de la Renta兩位設計師Laura Kim與Fernando Garcia自立門戶的新牌,主打解構設計,深得Rihanna、Emma Watson及一眾時尚素人喜愛,超欣都認真識揀,不過就沒有跟行騷女模跌膊穿法,反而跟返自己的年紀、千金氣質,以較classic的方法示範。2015年,Laura Kim與Fernando Garcia一起離開Oscar de la Renta,成立Monse,2016春夏登上紐約時裝周即一炮而紅,挾着人氣獲Oscar de la Renta招手回巢。在今年2月舉行的2017秋冬紐約時裝周,兩位設計師搞了一個別開生面的聯合時裝騷,同時發表Oscar de la Renta及Monse新裝,最後兩個品牌的模特兒交叉謝幕。更多時尚、美容新聞,即上:http://add.appledaily.com




來源: http://hk.apple.nextmedia.com/entertainment/art/20170413/19989230
PermaLink: https://articles.zkiz.com/?id=330424

Next Page

ZKIZ Archives @ 2019