中環在線：阿里巴巴豪花2.3億自救 李華華
2008-10-23 AppleDaily
當各大企業裁員縮開支嘅時候，最早提出「過冬論」嘅阿里巴巴（1688）主席馬雲，一於轉守為攻，揼3000萬美金（2.34億港銀）做推廣自救。
賣廣告幫老細海外搵客
中 小企係阿里巴巴嘅命脈，呢班客受金融海嘯衝擊，尤其出口歐美嘅最傷。而阿里巴巴過去一年，股價亦由39.95蚊跌到噚日嘅4.55蚊，市值蒸發近九成。馬 雲深明唇亡齒寒嘅道理，早前就成立咗中小企業發展計劃執行小組，仲搵埋CEO衞哲做組長，綜合內地傳媒報道，今次一擲3000萬美金做推廣正係呢個小組嘅 第一擊。阿里巴巴會喺全球電視及互聯網站賣廣告、同商會組織合作等，幫中小企喺海外搵客。第一個廣告前日凌晨喺美國CNBC播出，11月CNN同Fox電 視台黃金時段亦陸續有嚟，據講幾乎每次廣告費要10萬美金以上。互聯網就有Google、Facebook及MSN等，連西班牙同葡萄牙語網站都唔放過。