私立公立大學 左丁山
1 :
GS(14)@2012-05-13 11:53:24http://hk.apple.nextmedia.com/su ... t/20120513/16331565
有幾位讀者來郵要求講嚇假若文憑試、高考失手，可如何繼續升學。呢個問題以前講過好多次，再講好似代人宣傳，不過大家既然問到，講多一次亦無妨，正所謂橋唔怕舊，最緊要受。一位媽咪來郵話佢位公子兩年前聽取本欄意見，去咗 Foothill，今收到加州大學柏克萊分校通知，今秋可轉入柏克萊經濟系，媽咪歡喜得好緊要，但跟住愛兒打電話回來報告，佢聽到柏克萊要求甚高，年年都有學生頂唔住壓力而跳樓，於是媽咪又驚起嚟。唔使驚嘅，既去之則安之，香港仔勤力讀書，維持健康心態，休息有定時，唔好亂搞男女男男關係，冇話唔掂嘅啫。不過加州大學有財困之嘆，而學生又太多，學生爭住修科，往往爭唔到，不能如期修夠學分畢業，以至產生精神壓力，呢點就要注意嚇。
從 Foothill-De Anza讀秀士（副學士）至轉入加州大學，自然係一個方法，去其他州份讀社區學院，住房租金比矽谷便宜得多，更加經濟，家長可以叫子女上網自行搵資料。
講起柏克萊，一位美國科技基金經理訪港，佢生於矽谷，長於矽谷，在柏克萊修讀電機電子學工程，當然係優秀學生之列，依家佢唔係唔發達，只不過唔係十億美元富豪啫，
佢嚟到香港跟本地基金經理及投資者談及 facebook上市，在座者有一位日本裔基金經理，係在 UCLA讀 Double E嘅，忽然有感而發：「我地 UC嘅水準都幾高㗎，點解無論邊間，都出唔到朱克伯格、蓋茨、喬布斯、 Google、 Yahoo、 HP嘅？」美國人輕嘆一聲：「呢個問題我都有諗過，柏克萊與史丹福，大約距離一小時車程，冇理由我地水皮啲嘅啫，諗深一層，加州大學係公立大學，收生要照足程序，計曬分，加埋政治正確與合乎平權準則，於是成班學生雖然係叻仔叻女，但似乎平均嚟講，欠缺創意與冒險精神。史丹福可以取錄一啲怪胎、奇人，突然間爆出火花嘅人，但我地州立大學就比較難！」美國基金經理講得有啲道理，美國科技創意源源不絕，啲私立大學貢獻甚大。歐洲學生憎恨私立大學，大學全部靠政府俾錢，創意係差一皮嘅。全世界嘅私立大學，以美國最多最好，為何如此，與國家教育制度及私人捐款文化有關，不過，呢條係大題目嘞，唔講住。
2 :
Sunny^_^(11601)@2012-05-13 14:46:47美國D大學...我冇同學去美國讀喎.
質素係好差嫁.學校既質素定係同學既質素都係...
好多都選擇英國,傳統D.夜生活冇咁多.