樓民講場：政治市 尚未消失
1 :
GS(14)@2012-03-10 16:40:44http://hk.apple.nextmedia.com/te ... 307&art_id=16143877
樓市未來走勢取決於港府有無決心進行土地改革，若政府做的能及得上講的一半，樓市已經好難爆上。問題係，唐英年如此情況，中央仍然無言棄，基本上已經可以肯定未來五至十年，香港仍然係地產商治港。
當然，情況會跟以往稍有不同，現在樓價高企，民怨日深，地產商難以再好像老曾時代咁㩒住搶，政府要做的，依舊是穩住樓價在 2011年水平，正負約 8%。
近日有小陽春，好友非常振奮，但我相信，無論唐或梁上場，年中政府就會有措施打壓，目標又係將全年升幅壓在 10%樓下。如此環境下，小投資者（無論業主或準買家）須戒急、要忍，市好走去追貨，是非常愚蠢的行為；相反，小業主有 2011年下半年的經驗，就算下調亦只有很少跳樓貨。
未有貨的不妨等下，就算睇錯市，下半年樓價不會升多過 5%，當係交學費。我今年想買多一個物業，但絕對不是家，我投資保守，要確定 CY（梁振英）上唔到台才會扑鎚。
買樓某程度上賭政治市，賭唐唐上台，樓市向好；不過我要提醒各位，唐唐一樣會做門面工夫，無嘢好得過打壓樓市掠中產水，小心小心。
暖笠笠小露筍（摘自香港討論區）
2 :
龍生(798)@2012-03-10 20:13:11講得幾好, 有分析有預期
中唔中就好難講
小洋蔥到而家, 睇你點計, 升左20%都有啦!!
到時再回都仲係貴過年頭
但同意佢一句, 2011年下半年, 調整都好少跳樓貨
3 :
idsdown(1658)@2012-03-10 23:13:36穩住樓價在 2011年水平，正負約 8% <====有冇咁易? 內在因素係推左咁多地. 外在因素外圍經濟. 仲有阿爺. 有咁樣的功力, 就未必依家咁啦
4 :
龍生(798)@2012-03-11 00:07:51剩係換左特首, 成個官場洗左牌, 單單呢個因素, 樓價的波幅都未必止8%
我同你一樣都唔知佢點計出黎的....