ZKIZ Archives


金融人語你拿夠靈感未?

1 : GS(14)@2011-11-30 22:23:48

下次抄野或靈感來唔該quote source...

http://hk.apple.nextmedia.com/te ... 307&art_id=15847269
金融人語:周大福一家親董事會
2011年11月30日



周大福珠寶( 1929)主席鄭家純日前於投資者推介會上解釋周大福上市目的,純官的說法是擔心第四代管唔掂公司,簡而言之,即係希望借個資本市場教下一代做生意。鄭裕彤家族企業用人唯親的形象,確實根深柢固,亦是家族企業傳承下一代的常見挑戰,有必要借資本市場幫手,加諸一啲紀律。可惜的是,周大福董事會以親人和老臣居多,獨立董事主要係商界友好人士,未見從外邊引入更多專才,協助新一代管理公司。
周大福董事會當中 15名成員,鄭氏家族仍佔去三分之一,老中青三代全部有代表,家族色彩未見有減。 5名家族成員包括:
第一代─鄭裕彤(名譽主席,非執董)
第二代─長子鄭家純(執行主席)、
姪兒鄭錦標(非執董)
第三代─長孫鄭志剛(執董)、孫鄭志恒(執董)

用人唯親難予投資者信心

至於其他非家族董事會成員,絕大部份係幫彤叔打拼數十年的忠心家臣。董事總經理黃紹基, 20歲出頭已喺周大福由見習生做起, 30年來一直爬到上家的位置,其他董事如陳曉生、古堂發等,亦都係 70、 80年代加入周大福。
其實所有家族企業普遍有用人唯親的現象,關鍵係上位嘅人有冇料到,鄭氏企業喺呢方面確實畀唔到投資者太大信心。《壹週刊》 2002年一篇訪問,採訪了鄭裕彤夫婦及周大福員工多人,提到鄭裕彤為帶挈鄉里,安排了不少順德同鄉,到香港周大福打工。上市公司新世界發展( 017)也長期有此現象,例如彤叔細佬裕培,曾任新世界發展董事,鄭裕培訪問中坦白說:「你話我搞地產,但我連則都唔識睇,英文又唔識,淨係識德文、順德文。」

溝淡一家親色彩有難度

為了今次上市,周大福搵咗 4名相當有名氣本地商界人士,出任獨立非執行董事,包括利豐( 494)主席馮國經、已任新創建( 659)及恒地( 012)等 11家公司董事的鄺志強、立法會議員林健鋒和中策( 235)行政總裁柯清輝,除咗馮國經自己係大老闆外,其他 3人都係香港商界及地產界的友好人士。佢哋可唔可以溝淡一家親董事會的色彩?睇怕有難度。
周大福在董事會之外,仲有稱為「名譽顧問」的四大長老,分別是彤叔弟弟鄭裕偉及姪仔鄭錫鴻,另外兩名是相信持有周大福數個巴仙股權、服務半世紀的老臣何伯陶、黃國庭。種種安排,都顯示彤叔念舊重情誼,但也令人聯想到周大福的親戚裙帶關係,甚至比其他系內上市公司更濃厚。

中國多金靠獨董鍍金

周大福珠寶( 1929)用人唯親唯老,與另一新股恰成強烈對比。與星光熠熠的周大福在星期一同日路演,因而近乎無人談論的另一 IPO中國多金屬礦業( 2133),號稱是雲南省最大鉛鋅純採礦企業,想抽水最少 12億元。

中資公司罕見陣容

呢隻新股有趣的地方係,董事會 13人,獨立非執董佔去 6人,差唔多佔一半, 6人當中更有 5人係各自有啲來頭的鬼佬,確實少見。而股東自己僅佔 3席董事,其餘執董都係負責經營的管理人員,表面上對企業管治十分重視,誠意可嘉。
上市公司的獨董,即使身份表面上係獨立,都可以因為同控股股東老友鬼鬼,又或另有利益聯繫,未必真係咁獨立。但係我哋上網睇中國多金本招股書初稿, 6位獨董都算係獨當一面,來自五湖四海,經驗亦甚為多元化,如此陣容,在中資公司當中甚為罕見, 6人簡介如下:
1) Keith Abell─ 54歲,能夠講流利普通話,曾任高盛副總裁、黑石香港及東京地區董事總經理, 2009年創辦美國房地產投資顧問公司;
2) Christopher Casey─ 56歲,任英國畢馬威合夥人多年,現時是英國一投資基金的非執董;
3) Richard Charlton─ 63歲,曾任 Paribas英國執董、法比銀行集團( Dexia Group)特別顧問、滙豐英國私人銀行執董,目前是花旗國際高級顧問;
4) William Hayden─ 60歲,目前係澳洲及加拿大多家上市礦產股董事,曾任埃索澳洲等多家資源公司的地球物理學家;
5) Maarten Kelder─ 48歲,美國企業諮詢公司合夥人;
6)繆國智─ 60歲,曾任澳華黃金財務總監
多金似乎都知自己的獨董陣容係賣點,招股書特別寫明獨董佔董事會近半,可以提高決策透明度同埋合理程度,又話管理層每月會向獨董提交一份詳盡管理報告,每季又會有財務報告,做到十足。

主席透過兒子持股

不過凡事睇兩面,中國多金咁落力建立優良管治形象,可能係因為它 2009年才成立,毫無往績可言,管理團隊都係去年至開始拼湊而成。公司主席冉小川本來係四川一名普通官員,其後任職國企及多間公司管理層,從來冇礦產經驗,到 2009年才下海經商創辦公司, 2010年初就有辦法攞到第一個礦場的採礦許可,今年逐步投產,但其餘在過去年半攞到手的 3個礦場都還未有產出。
同近年一些民企如碧桂園( 2007)一樣,冉小川自己亦不持有多金股份,八成股權全部以仍在外國讀書的兒子冉城昊的名義持有。
2 : GS(14)@2011-11-30 22:29:22

http://realforum.zkiz.com/thread.php?tid=27222
http://realforum.zkiz.com/thread.php?page=0&tid=26966
日期為證
3 : 游浪潮(3792)@2011-11-30 22:38:20

也不知道是其人還是其助手了,不 quote source 就有如小偷﹗
4 : provleng(11142)@2012-06-25 03:06:31

到現在這個價,市值都唔平.
5 : GS(14)@2012-06-25 22:28:09

4樓提及
到現在這個價,市值都唔平.


唔理啦
金融 人語 你拿 拿夠 靈感
PermaLink: https://articles.zkiz.com/?id=276775

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019