近來中人壽(2628)股價跌幅巨大，直逼金融海嘯之時的$16.7收市低位，我和一眾中人壽的長線小股東當然沒所謂，在市場錯價之時，如果 有多餘現金，又是愈跌愈買，我已經決定從$19.5開始，每跌一成就再加碼，可惜今個星期最低都見唔到$17.5。昨日中人壽股價逆市上升，原來新鴻基投 資約三時半掛出23億股中國人壽買盤，令市場人士甚為不解，唔通有大戶反手掃貨? 之後馬上有賣家出貨，以$18.82成交了8400萬股，即15.8億元，新鴻基投資隨即逐一取消買盤，並在市場出售已買入的國壽股票，至昨天收市約沽出 4000萬股，以國壽收市價$18.62計，該行最多虧損約800萬元。
以上事件是交易員落錯盤，定話有大戶敲山震虎，實在不得而知，不過中人壽H股突然狂跌，對A股由上月尾的1成半溢價，變成昨日的2%負溢價，實在離 奇，可能自中人壽在上月出了業績之後，大行紛紛出報告質疑中人壽之增長前景，令基金大量沽貨，我都睇過幾份呢類報告，來來去去都話公司的營運數據低於佢地 大行預期，咁即係話各大行都在段估，預期呢家嘢可高可低，與中人壽的前景無關。有人會覺得壽險盤生意難明，同出售ELN或CDS一樣，壽險公司之業務其實 就等同沽出認沽期權(SELL PUT)，不過掛鉤的不是股票而是你條命，當山窮水盡，任何衍生工具都可以違約，但如果問你要錢定要命，大部份人會選擇保命，所以只要穩健經營，壽險生意 最穩賺，何況是壟斷市場的中人壽，睇中人壽盤數，負債表內大部份反映保單的潛在賠付，資產表內的主要是現金存款、債券與股權投資，以上三項都是人民幣與人 民幣計價的國內資產，國內持續有一年多時間，步入異常的低息與A股低迷之環境，不利國內壽險業務增長，現在國內息口開始上升，A股估值已經相當便宜，再加 上保單息率開始接近通脹，令保單回復增長，唔排除中人壽之盈利於年未或下年初轉勢，聰明的中人壽小股東們，大家應該珍惜這段吸平貨的日子。