ZKIZ Archives


八方人物:賺學童錢商人 定期回饋小老闆

1 : GS(14)@2010-11-16 22:54:35

http://hk.apple.nextmedia.com/te ... 104&art_id=14666719


商人未必一定無良,賺得盤滿缽滿的人,也有回饋社會的熱心。 30歲的何光熹是凝想網絡有限公司創辦人,研發的網上行事曆,讓家長、老師透過互聯網掌握孩子學習進度。雖然小朋友是他賺錢的「根源」,卻沒被他視作「搖錢樹」;公餘時,他擠出時間為小朋友補習,又舉辦免費親子講座。「錢,真係唔係最重要。」視超級富豪蓋茨( Bill Gates)為偶像的何光熹如是說。可能是從熱心公益的偶像身上,學會如何不做「魔鬼」。
創業首半年零薪水


中七那一年,何光熹迷上了蓋茨:「嗰時 Bill Gates好 hit o架,我都覺得,嘩,佢好犀利呀,我都好想學佢一樣做生意。」但畢業後的何光熹卻未有即時踏上創業之路,先後在兩間跨國公司過了三年打工仔生涯。也幸好有這三年,讓他儲到一筆創業資金,同時有足夠彈藥應付長達六個月無糧出的日子。
「當時( 05年)我只可以喺觀塘工廠大廈,租個百零呎單位做辦公室,係名副其實豆腐膶 office」。辦公室沒有窗,不要緊;老鼠與蟑螂橫行,也沒關係,最難捱的,或許是整整半年零收入。「好彩我都有打過工,積穀防飢,咪攞啲老本出嚟慢慢搣。當時真係慳得好緊要,但我仲繼續有畀家用㖭。」難道他是打工皇帝,三年來儲下不少糧餉?「梗係唔係,只係覺得有責任要咁做,屋企人對我一直好支持。」
那半年時間,何光熹幾乎走遍全港教育中心,推銷新設計的網上行事曆,不過反應極差,「好忙呀,唔得閒呀」、「唔需要噃」是聽得最多的說話。「有時一日走訪廿零卅間中心,最終係冇生意做得成,人哋仲要好似好唔歡迎你咁。」
孤獨推銷員也有出頭的一天,後來陸續有教育中心主動要求使用他的服務,「第一次聽到有人話要用,差唔多喊出嚟咁滯。有啲客齋見面都見咗七次,但其實金額唔大,只係幾萬蚊貨仔,但真係好鼓舞」。他說是誠意,令顧客「返轉頭」,「好似有啲客話個 system有啲問題,我都會即時放低晒所有嘢去幫佢,咁人哋先會信任你」。
為貧童補習辦講座

先敬羅衣後敬人,何光熹發現當時不少顧客看到公司卡片上印着的工廠區地址,即面露遲疑之色,他在 06年參加科學園的科培計劃進駐科學園,「真係試過有個客,專登派職員山長水遠入嚟,去我哋門口裝吓裝吓;後尾俾我發現,佢直認係某某教育中心,想睇吓間公司點樣,做生意,門面點會唔重要」。
去年何光熹的公司營業額 200萬元,對新創業小公司而言成績不俗。他對生意「錢」途樂觀,因為今年有逾 8萬嬰兒出生,「即係我哋有成 8萬個小老闆誕生,佢哋係我哋老細嚟 o架」。賺錢之餘,何光熹也盡量每星期抽時間做義工,有時為清貧學生補習,有時帶他們遊山玩水。在小老闆身上賺錢,也回饋在小老闆身上。他的公司定期與地區組織合辦免費親子講座,「小朋友係我哋嘅未來,唔係只係錢嗰樣嘢」。
記者 許偉賢
八方 人物 學童 商人 定期 回饋 老闆
PermaLink: https://articles.zkiz.com/?id=271617

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019